阿砲照烏龍的指示，找了一間空房子租了下來後，請阿中過來看。阿中看完很滿意，回去找了一堆人過來幫忙打掃乾淨。打掃完後，阿砲問阿中：「阿中，我們要去哪裡找貨？」阿中：「貨不能從村裡進，我們去別的村裡找。」
隔天，阿砲和阿中向人打聽到一個雜貨中盤商，等到這個中盤商到村裡的其他雜貨店卸完貨後，在半路把他攔下來。攔下來後阿中直接說：「你是做雜貨批發的嗎？你從哪來？」批發商被攔車又被這樣問，嚇一跳說：「有什麼事嗎？」阿中看批發商表情僵硬，知道自己這樣問嚇到他了，改笑臉說：「別誤會，我們想開一家雜貨店，向人打聽知道你是做雜貨中盤的，想向你叫貨。」中盤商鬆了一口氣說：「喔，我還以為被找麻煩。你們要什麼貨？」阿中：「我們的新店整理好了，過去那邊談好嗎？」中盤商：「好吧，你們帶路，我跟你們走。」
回到整理好的新店面後，阿砲對中盤商說：「就是這裡，我們主要以賣供品為主。」中盤商：「只賣供品？」阿中接話：「對，只要供品，而且要自創品牌，你要負責幫我們找貨。」中盤商：「自創品牌是什麼意思？」阿中：「我這裡有一份清單，你去找這些貨品，直接找工廠，我們以後的量很大，同樣的東西我們要最便宜的，送到我們這裡的貨一律要貼上媽祖牌的標籤，貼上標籤的都不能賣到別的地方。」中盤商：「貼媽祖牌標籤？工廠不會幫你們做吧？」阿中：「你叫工廠包裝都空白，你自己再找人貼，貼完後放倉庫等我們叫貨。」中盤商：「神經喔，我貼一堆，到時候你們不叫貨，我怎麼辦？」阿中：「放心啦！以後你倉庫只要是貼媽祖牌的東西我就付錢，我事先會告訴你要貼多少，貼完我就付錢，只是先寄在你倉庫，要貨我再叫你送來。」
阿中看中盤商一臉不相信的表情，馬上從口袋裡拿出一疊現金：「這些你先拿去，店裡還需要一些櫃子也交給你幫忙發落，盡快把店裡的櫃子擺好，找到清單上的供品製造工廠後報價給我，錢的事你安啦。」中盤商手上握著一疊現金，心裡的疑問一下子都不見了，點頭說：「有錢好辦事，三天內我把櫃子和報價送過來，談好後一星期內就可以讓商品上架。」阿中：「以後你就直接跟阿砲聯絡。」阿砲點頭對中盤商說：「那就這樣決定了。」中盤商：「那我先去忙。」握著一疊現金趕快放進包包就離開了。
生意人的效率真好，三天後把阿砲店內櫃子都就定位，報價也都送來，阿中把各項報價全部都砍到最低，中盤商叫苦連天說這樣做不下去。阿中暗示中盤商不必在乎品質，叫他自己想辦法降低成本，中盤商只好從品質和重量上偷工減料。一星期後中盤商硬著頭皮把貼有媽祖牌的商品送到阿砲店裡，本來以為會被罵，想不到阿中和阿砲不但沒有對貨品有意見，反而稱讚中盤商。生意人知道他們要什麼了，也知道自己做到了大生意。
阿中當天馬上代表廟方向阿砲訂貨，把媽祖廟的香燭金紙在內全部換成媽祖牌，阿砲只需一通電話，中盤商就把廟方所需送到。阿砲店內主要是賣散客，數量大的都由中盤商直接送。
阿中告訴阿砲：「烏龍師交代，等廟前店面改建好，你這邊的生意會變好，我會找幾個人過來幫你，你負責把店管理好，帳做清楚。」阿砲點頭說：「我知道。」阿中說：「師父還交代，把供品價格標高沒關係。」阿砲參考別間店的相似商品價格後，把標價定成多一倍，待烏龍師加持後，等著生意上門。
A砲照烏龍ê指示, chhōe tio̍h 1間空厝kā sòe--落-來了後, 請A中來看. A中看了真滿意, tńg去chhōe chi̍t-kóa人來tàu piàⁿ掃hō͘ chheng-khì. Piàⁿ了, A砲問A中:「A中, lán beh去toh位chhōe貨?」A中:「貨bē-tàng ùi庄--nih進, lán ài別庄chhōe.」
隔tńg工, A砲kap A中探聽tio̍h 1 ê中盤商, 等chit ê中盤商來庄--nih其他kám-á店kā貨落了, 半路kā cha̍h--落-來. Cha̍h--落-來了後A中直接講:「Lí kám是teh做雜貨á中盤? Lí ùi toh來--ê?」中盤商hông cha̍h koh hông án-ne問, chhoah-chi̍t-tiô:「有siáⁿ tāi-chì?」A中看chit ê中盤表情怪怪, 知影ka-tī án-ne問kā人驚--tio̍h, 緊換笑面講:「Mài誤會, góan想beh開1間kám-á店, kā人探聽知影lí teh做中盤, 想講beh kā lí叫貨.」中盤商吐1口氣講:「O͘h, góa kioh-sī hông chhōe麻煩--leh. Lín beh siáⁿ-mih貨?」A中:「Góan ê新店chhiâⁿ-keh好--a, 來去hia講kám好?」中盤:「好ā, lín chhōa路, góa tòe lín行.」
Tńg來到chhím整理好ê新店面了後, A砲kā中盤講:「Tō是chia, góan主要beh賣供物.」中盤:「Kan-taⁿ賣供物?」A中接話:「Tio̍h, kan-taⁿ賣供物, koh ài自創ê品牌, lí ài負責kā góan chhōe tio̍h貨.」中盤:「自創品牌是siáⁿ意思?」A中：「Góa chia有1份清單, lí去chhōe chiah-ê貨, 直接chhōe工場, góa以後ài ê量真大, kāng款ê mi̍h-kiāⁿ góan beh ti̍h siōng sio̍k--ê, 送來到góan chia ê貨lóng tio̍h貼媽祖牌ê mà-kuh, 有貼媽祖牌--ê lóng bē-sái賣去別位.」中盤：「貼媽祖牌ê標紙? 工場無人ē kā lín做che--lah!」A中:「Lí叫工場包裝lóng空白, lí ka-tī chiah chhōe人貼, 貼好khǹg tiàm倉庫等góan叫貨.」中盤:「神經--o͘h, góa貼kui堆, 時到lín若無叫貨, góa beh án-chóaⁿ?」A中：「放心--lah! 以後lí倉庫若有貼媽祖牌--ê góa tō ē la̍p chîⁿ, góa ē先kā lí講ài貼jōa chē, 貼好góa tō la̍p chîⁿ, kan-taⁿ是tio̍h先寄khǹg tī lí ê倉庫, beh ti̍h貨ê時góa chiah叫lí送--來.」
A中看中盤商無siáⁿ相信ê表情, sûi ùi褲袋á jîm 1 tha̍h現金出--來:「Chiah-ê lí先the̍h--去, 店--nih koh ài chi̍t-kóa櫥á mā交hō͘ lí ho̍at-lo̍h, 緊kā店--nih ê櫥á khǹg hō͘好勢, 緊chhōe tio̍h清單內底ê供物製造工場了後, 報價hō͘ góa, chîⁿ ê tāi-chì lí安--lah!」中盤商手--nih sa ti̍o̍h 1 tha̍h現金, 心內ê giâu疑sûi無--去, tìm頭講:「有chîⁿ tō好辦tāi-chì, 3工內góa ē kā櫥á hām報價單送--來, 若講好勢, 1禮拜內tō ē-sái進貨.」A中:「後pái lí tō直接kap A砲聯絡.」A砲tìm頭kā中盤講:「無, tō án-ne講tiāⁿ--a.」中盤:「Án-ne, góa tō先來去無閒--lo͘h.」手--nih hit tha̍h現金sa--leh緊khǹg落phāiⁿ-á tō離開--a.
Seng-lí人kha手真mé-lia̍h, 3工後tō kā A砲店--nih櫥á lóng chhāi好勢, 報價單mā lóng送到位, A中kā ta̍k項報價lóng thâi到siōng kē, 中盤商哀講án-ne seng-lí做bē落--去. A中kā暗示講免考慮品質, 叫i ka-tī想辦法kā成本ah kē, 中盤tō ùi品質kap重量來動kha手, 偷工減料. 1禮拜後中盤商kā貼媽祖牌mà-kuh ê商品送來到A砲店--nih, 本來kioh-sī ē hông罵, 想bē到A中kap A砲m̄-nā無對貨有siáⁿ意見, 顛倒koh直直kā o-ló. Seng-lí人知影in beh ti̍h siáⁿ-hòe--a, mā知影ka-tī接tio̍h大seng-lí--lo͘h.
A中hit工sûi代表廟--nih kā A砲訂貨, kā媽祖廟ê蠟燭金紙lóng-chóng換做媽祖牌, A砲khà 1通電話, 中盤商tō ē kā廟--nih ài ê mi̍h-kiāⁿ lóng送kah到. A砲店--nih主要是賣散客, 數量大--ê lóng叫中盤直接送.
A中kā A砲講:「烏龍師--ê交帶, 等廟前店面翻好, lí chia ê seng-lí tiāⁿ-tio̍h ē變koh-khah好, góa ē ke chhōe kúi ê人來kā lí tàu-kha手, lí負責kā店管理hō͘好, siàu做hō͘清楚.」A砲tìm頭:「Góa知.」A中講:「師父koh hoan-hù講, kā供物ê價siàu訂khah kôan--leh無要緊.」A砲參考別間店sio-siâng ê商品價siàu了後, 把店--nih ê價siàu lóng ke tha̍h 1倍起--lih, thèng-hāu烏龍師--ê加持了後, tō等leh做seng-lí--lo͘h.
留言列表
