廟前店面改建順利，主要是在原本的房子後面又加蓋了一棟，另外加蓋了屋頂，從外觀看起來只看到增加了屋頂，走進原本店面也看不到加蓋的部份，要再往裡面走才會看到，面寬一樣，但深度多了很多。加蓋的部份作為廚房和餐廳，另外還有一間大房間，烏龍準備把大房間用給四個徒弟睡，二樓全部打通成為烏龍的豪華房間，頂樓做成花園和小水池。
除了阿中幫忙阿砲開店比較忙以外，其他三人兩三天就會到店裡查看工程進度，晚上喝酒時再報告給烏龍。
烏龍師很滿意建築包商的規劃，工程款付得很爽快，請款單連看都不看就簽了，包商拿了烏龍簽名的請款單找徒弟請款也從不會被刁難，難得遇到這種好客戶，在工事上特別注意品質，請款當夜也都會找烏龍和徒弟去輕鬆一番，當然，他不知道錢都是從廟裡支出。
店面落成前十天，烏龍叫徒弟們去拜訪過的各宮廟拿一些助印的善書回來，拿回來後烏龍挑了一部份叫阿民拿去找印刷廠。
阿民問烏龍：「師父，印這些書要幹什麼？」烏龍說：「你們有想過新店面落成後要幹什麼嗎？」阿民：「沒想過，跟這些書有關嗎？」烏龍笑笑說：「當然有關，我們要做文化事業。」四個徒弟又一臉憨憨的看著烏龍，烏龍接著說：「這些書拿去給印刷廠，叫他趕工先印一部份。對了，要把封面贈閱的字樣拿掉，落成前要交貨，我要擺這些書在新店面賣，這些善書勸人向善，我們要做有意義的文化事業。」
四個人還是聽不懂，烏龍說：「幹，聽不懂，照我說的去做就對了啦！」四個人嚇了一跳，阿民轉身趕快去找印刷廠，烏龍接著問阿中：「阿砲的店順利嗎？」阿中說：「師父，一切都很順利，已經開始營業了。」烏龍說：「很好，新店面也需要一些東西，就交給你去處理。」阿中點頭，烏龍又轉頭對阿華和阿國說：「你們兩個負責調一些人過來打掃，頂樓花園佈置和房間整理工作也要趕快弄好。還有，落成時表演節目要盛大一點，他們的練習也要盯緊。」阿華和阿國聽完也點頭：「知道了，師父！」
事情交代完，烏龍又準備去玩樂了。接下來幾天，白天到百姓公廟旁看表演練習，順便和大家精神談話，接著再到店裡看擺設佈置進度，晚上還是玩樂，心情真是爽快，一切都準備好了，就等落成他自己要演的一齣大戲了。
廟前ê店面重chhiâⁿ-keh ê khang-khòe真順sī, 主要是tī本底厝後又ke起1棟, 另外mā ke起厝頂, ùi外口看kan-taⁿ看tio̍h ke--出-來ê厝頂, 行入去本底ê店面mā看bē tio̍h ke起ê部份, ài koh ǹg內底行chiah ē看--tio̍h, kap頭前pêⁿ khoah, m̄-koh ke深真chē. Ke起ê部份beh做灶kha kap飯廳, 另外koh有1間大房間, 烏龍àn-sǹg大房間beh hō͘ 4 ê徒弟á khùn, 2樓lóng phah通做烏龍ê高級房間, 厝尾頂做花園hām水池á.
除去A中teh tàu處理A砲開店ê tāi-chì khah無閒, 其他3 ê人, 2~3工á tō ē去店--nih看工程ê進度, 暗時lim酒ê時chiah kā烏龍報告.
烏龍師真滿意建築包商ê規劃, 工程款mā la̍p kah真súi-khùi, 請款單hām看to免看tō lóng簽, 包商the̍h烏龍簽--過ê請款單chhōe徒弟á請款mā m̄-bat hông刁--過, 真oh得tú tio̍h chiah好ê人客, 工程choaⁿ-á chiâⁿ注意品質, piān-nā請款hit暗mā lóng ē請烏龍kap徒弟á去輕鬆--chi̍t-ē, 當然, i m̄知影chîⁿ lóng是khai廟--nih ê.
店面完工前10工, 烏龍叫徒弟á去拜訪--過ta̍k間宮廟sa chi̍t-kóa助印ê善冊tńg--來, the̍h--tńg-來了後, 烏龍kéng 1部份叫A民去chhōe印刷廠印.
A民問烏龍:「師父ah, 印chiah-ê冊beh chhòng siáⁿ?」烏龍講:「Lín kám有想過新店面完工了後beh chhòng siáⁿ?」A民:「M̄-bat想--過, kap chiah-ê冊kám有關係?」烏龍笑笑á講:「當然mā有關係, lán ài來做文化事業.」4 ê徒弟á sa無cháng, gāng-gāng-á看烏龍, 烏龍接續koh講:「Chiah-ê冊the̍h去hō͘印刷廠, 叫in先趕印1部份. Tio̍h--lah, ài kā封面贈閱ê字the̍h掉, 店面落成chìn前ài交貨, góa beh kā chiah-ê冊khǹg tiàm新店--nih賣, chiah-ê善冊勸人做善事, lán ài做有意義ê文化事業.」
4 ê人iáu是聽無意思, 烏龍hoah講:「Kán, 聽無, 照góa講--ê去做tō tio̍h--lah!」4 ê人chhoah-chi̍t-tiô, A民趕緊o̍at頭出去chhōe印刷廠, 烏龍接leh koh問A中:「A砲ê店kám有順sī?」A中應講:「師父, 一切lóng chiâⁿ順sī, mā開始做seng-lí--a.」烏龍講:「真好, 新店面mā需要chi̍t-kóa mi̍h-kiāⁿ, tō交hō͘ lí去ho̍at-lo̍h.」A中tìm頭, 烏龍koh o̍at頭kā A華hām A國hoah-hù:「Lín 2 ê負責調chi̍t-kóa人過來piàⁿ掃, 厝尾頂花園ê佈置kap房間整理ê khang-khòe mā ài緊chhòng hō͘好. Koh有, 慶祝落成ê時表演節目ài bú khah大場--leh, in teh練習mā tio̍h tèng hō͘ ân.」A華kap A國聽了tâng-chê tìm頭:「知影--a, 師父!」
Tāi-chì交帶soah, 烏龍koh準備beh去chhit-thô--a. 續--落-來hit kúi工, 日--時去百姓公廟邊看表演練習, 順續kā ta̍k-ê精神講話, koh來去tī店--nih看工程ê進度, 暗時iû-gôan sì-kè lim酒chhit-thô, 心情爽快kah, 一切lóng chhôan好勢--a, tō等慶祝落成ê時i ka-tī beh poaⁿ ê 1齣大戲-- lo͘h.
留言列表
