阿砲的供品店和烏龍的「文化事業」開展得很順利,烏龍白天在樓頂花園餵魚逗鳥,晚上照例和四個徒弟喝酒玩女人,歌舞團長得稍為可以看的都被烏龍「召見」過了。住在百姓公廟旁的那些人沒事可做,整天不是在村裡閒晃,就是在宿舍裡喝酒賭博鬧事。村裡有人發現家裡有女生洗澡被偷看,有人農作物被糟蹋,還有店家被賒帳要不到錢的,這一百多個人在村裡造成村民很大的困擾。
有村民忍不住到烏龍店裡找烏龍徒弟說這些事,烏龍的徒弟總是安撫村民說是誤會等等,徒弟當然也把這些事告訴烏龍,烏龍和徒弟喝酒時,就和徒弟商量該怎麼安排這些人。有一天阿中問烏龍:「師父,這些人造成這麼多困擾,為什麼不把他們解散,只留幾個幫忙做事就好?」烏龍:「不能解散,人多好辦事,我們要用這些人開創另一番事業,我已經有一些打算了,過幾天我會把計畫告訴你們。」四人點頭。阿民:「師父,你怎麼說,我們照辦。」
過了幾天,烏龍真的把這一百多人的安置計畫告訴徒弟了。首先,他要徒弟找建築商人合作,把廟產的一部份土地合作開發蓋房子和修路,同時要建築商雇用一部份那些在村裡閒晃的無賴。再來,烏龍告訴徒弟:「我們還要開托兒所和安親班,這部份就讓那些女的當老師,再來,巡守隊安排到村里各處固定站崗,還有剩餘的人就留在廟裡幫忙收驚解籤詩。」說完後,阿民說:「師父,這麼多事,又那麼複雜,我們要從哪做起?」烏龍笑笑說:「別急,我會幫你們分配好,再告訴你們怎麼做。」四人有聽沒有懂,也只能點頭傻笑,繼續喝酒。
A砲ê kám-á店kap烏龍ê「文化事業」進行kah真順利, 烏龍日時tī樓頂花園飼魚lāng鳥, 暗時照常kap 4 ê徒弟á lim酒khai-cha-bó͘, 歌舞團內底生了khah ē看口--ê lóng hō͘烏龍sńg--過-a. Tòa tī百姓公廟邊hit-kóa人, 閒閒無tāi-chì做, kui工m̄是tī庄內lōng-liú-lian, 無tō是tī宿舍內底lim酒po̍ah-kiáu惹tāi-chì. 庄內有人發現厝--nih有cha-bó͘人洗身軀hông偷看, 有人農作物hông chau-that, koh有店頭hông欠siàu討無chîⁿ--ê, chit百外人tī庄內造chiâⁿ村民chiok大ê困擾.
有村民擋bē-tiâu去烏龍店--nih chhōe烏龍ê徒弟á講chit-kóa tāi-chì, 烏龍ê徒弟á總--是安tah村民講是誤會等等, 徒弟á當然mā kā chiah-ê tāi-chì講hō͘烏龍知, 烏龍kap徒弟á lim酒ê時, tō kap徒弟á參詳beh án-chóaⁿ安排chit-kóa人. 有1工A中問烏龍:「師父, chiah-ê人造成chiah chē困擾, nah ē bòai kā in解散, 留kúi-ê-á tàu-saⁿ-kāng tō好?」烏龍:「Bē-sái解散, 人chē khah好做tāi-chì, lán ài用chiah-ê人開創新ê事業, góa已經有chi̍t-kóa àn-sǹg--a, 過--kúi-工góa ē kā lín講góa ê計畫.」4 ê人tìm頭. A民:「師父, lí án-chóaⁿ講, góan án-chóaⁿ做.」
過kúi工á, 烏龍chiaⁿ-si̍t kā chit百外人ê安tah計畫講hō͘徒弟á聽. Tāi-seng, i叫徒弟á chhōe建築商合作, 開發廟產ê 1部份土地去起厝kap修路, koh ài建築商chhiàⁿ 1部份hit-kóa tī庄內lōng-liú-lian ê chhit-thô-á. 續--落-來, 烏龍kā徒弟á講:「Lán beh koh開io-chí-ián kap安親班, chit部份tō hō͘ hit-kóa cha-bó͘--ê做老師, koh來, 巡守隊安排去庄頭ta̍k所在固定khiā-sàu, koh有chhun ê人tō留tī廟--nih tàu-saⁿ-kāng收驚解籤詩.」講soah, A民講:「師父, chiah chē tāi-chì, koh hiah-nī複雜, góan ài àn toh開始做?」烏龍笑笑講:「免tio̍h急, góa ē替lín分配hō͘好, chiah koh kā lín講beh án-chóaⁿ做.」4 ê人iáu是聽無, kan-taⁿ tìm頭gōng笑, 繼續lim酒.
留言列表