回想我們自小到大的受教育過程，其實就是一連串與自我、社會、世界脫離對立的「異化」過程。
在學校，我們學會要考試的學科必須死背，不用考試的便隨便混過，無須花費精神。歷史在怎麼讀還是「斷代史」，不知道同時代其他國家發生了什麼事情，沒有世界史的視野。讀文科的對理工領域一竅不通，讀理科的相對欠缺人文素養。不只在學校如此，在家裡，「囡仔人有耳無嘴」，我們是這樣被教誨長大的，導致台灣孩子普遍不會動腦思考、問問題。讀書第一，考試拿高分最重要，才會出現三級貧戶之子陳水扁當總統，這得全家做工省吃儉用以供應，他單只負責讀書考試得第一名，才有辦法「成功」。這個不是人人有的階級流動的例子，說穿了就是背叛自己的階級出身，努力符合統治者的價值標準，反倒同受壓迫階級對立，成為統治集團的代理人。
華語講「隔行如隔山」，專業分工是現代資本主義社會的發展趨勢，在台灣，卻也方便外來政權統治。愈來愈細緻化的社會分工，愈來愈分割斷裂的人際關係，加上資訊不公開，個人就如同一座座的孤島，只侷限在自己的生活圈子，接受統治者和媒體片面的宣傳廣告。因為這樣，所以需要代理人，民進黨就是利用這種孤島效應「代理」台獨民意，和國民黨上演政黨輪替的遊戲。
因為無知，所以害怕，容易受人控制，好統治。 無知一部份源自資訊不公開，資訊若不公開，更別談選擇權了。前陣子轟動世界的「塑化劑事件」，為何能矇騙20~30年之久而沒被爆料出來？政府除了進行2個月的「D-DAY」行動和提高罰金以外，原本應能藉由這次事件檢討塑膠產業與相關規範法令、從政策源頭控制塑膠產品的製造與使用、公開食品添加物的資訊、業者與民眾的再教育...... 這些都隨著新聞熱度消退，政府官僚又一次唬弄混過無所作為，消費者又是得自求多福了。
當然，我們無法人人都是「全才」，不過還是要有生活相關的基本知識與常識，如此才不至於被人牽著鼻子團團轉，而資訊公開是第一步。
回想lán chēng細hàn到大hàn ê受教育過程, 講到tè tō是sio連續kap自我, 社會, 世界脫離對立ê「異化」過程.
Tī學校, lán o̍h ē-hiáu beh考試ê學科tio̍h死背, 免考試--ê tō chhìn-chhái讀讀--leh, 免khai精神tī hia. 歷史khah讀to「斷代史」, m̄知kāng時代其他國家發生siáⁿ-mih tāi-chì, 無世界史ê眼界. 讀文科--ê對理工領域m̄-bat半項, 讀理科--ê相對欠缺人文素養. M̄-nā tī學校án-ne, tī厝內,「gín-á人有hīⁿ無chhùi」, lán是án-ne hông教示大hàn--ê, 致使台灣gín-á普遍bē-hiáu動頭殼, bē-hiáu問問題. 讀冊第一, 考試the̍h kôan分siōng重要, chiah ē出現3級貧戶ê kiáⁿ陳水扁做總統, che tio̍h全家做工khiām腸neh肚kā供應, i kan-taⁿ負責讀冊考試the̍h第一名, chiah有法度「成功」. Chit ê m̄是人人有ê階級流動ê例, 講破tō是背叛ka-tī ê階級出身, phah-piàⁿ符合統治者ê價值標準, 反tó kap受壓迫階級對立, pìⁿ做統治集團ê代理人.
華語講『隔行如隔山』, 專業分工是現代資本主義社會ê發展趨勢, tī台灣, soah mā hō͘外來政權方便統治. Jú pun jú iù ê社會分工, jú來jú切割ê人際關係, 加上資訊無公開, 個人tō ná 1粒1粒ê孤島, kan-taⁿ sok tī ka-tī ê生活kho͘-á, 接受統治者kap媒體hō͘ lán ê宣傳廣告. 因為án-ne, 所以需要代理人, 民進黨tō是利用chit款孤島效應「代理」台獨民意, kap國民黨chò-hóe poaⁿ政黨輪替ê戲齣.
因為無知, 所以驚惶, gâu受人控制, 好統治. 無知1部份原因是資訊無公開造chiâⁿ--ê, 資訊若無公開, koh-khah免講選擇權--a. 前chi̍t-chām-á轟動世界ê『塑化劑』事件,是án-chóaⁿ hông am-khàm 20~30冬chiah-nī久無piak--出-來? 政府除了進行2個月ê「D-DAY」行動kap增加罰金以外, 本底thang借chit táu事件檢討塑膠產業kap相關ê規範法令, ùi政策源頭控制塑膠產品ê製造kap使用, 公開『食品添加物』ê資訊, 業者kap民眾ê再教育...... chiah-ê lóng tòe新聞熱度消退, 政府官僚mā kek hō͘蠻皮無所作為, 消費者又koh是tio̍h『自求多福』.
話講--tńg-來, lán無châi-tiāu ta̍k項bat, m̄-koh ài有生活相關ê基本知識kap常識, án-ne來chiah bē hō͘人chhōa leh gōng-gōng-se̍h, ah資訊公開是頭1步.
留言列表
