在網路上看到報導，日本北海道鐵路公司總裁因為鐵道事故造成多人傷亡，疑似以死謝罪的新聞。這讓我想起中秋節前夕搭火車的惡夢。
中秋節連續假期前的最後一天上班，為了方便，直接從台中搭區間車到高鐵站，到了車站嚇了一大跳，月台擠滿了人，都快擠不上去了，以為發生了甚麼大事，後來才想到是連續假期的返鄉人潮。台鐵沒有人員在月台上協助疏散人員，只聽到廣播，一下子北上到新竹的區間車改到第二月台上車，一下子是要進站的車次，南下到斗六的區間車晚了20多分，又遇上另一班南下區間車，車次都還沒到，廣播就傳來另兩班即將進站的北上區間車改到第二月台上車。
真是服了台鐵，第二月台已經擠滿了人，結果所有區間車且時間相近的全部到第二月台搭車，下車、上車的人全部擠成一團，上車的人也搞不清楚到底該班是要開往哪裡的班次。擠在車廂內看到許多人擠了上來，問了是否有到他要前往的地點又擠出去，站在車廂內我都快窒息了。
平時都是開車，難得搭火車，遇上這種恍如大逃亡的畫面真是令人驚恐。為什麼這些通勤族可以忍受這樣的大眾運輸系統？台鐵事故頻傳，雖沒有造成多人傷亡的嚴重事故，小事故卻不斷，更難得準時，但台鐵從來不曾檢討反省，更別說對大眾道歉了。
想起剛畢業時到台北工作，每天從桃園搭火車到台北上班，每次都遇到台鐵人員為了讓所有人都擠上車，竟站在門口把人群往車廂內推，好像在擠貨物般地想要騰出空間放上更多物品。當時上下班都是我的夢靨，每天都在車廂內踏不到地、抓不到手把地飄浮在人群中，最後決定放棄這種非人的生活，流浪到彰化，客運班次雖然少也常不準時，至少可以不用人擠人。
想起朋友曾說，台鐵慶祝100年時，不曾想到從頭到今台鐵只是在日本的基礎上延長鐵道及進行維修保養而已，100年了還是只有那一條鐵道，這樣也敢慶祝100年，真是不要臉到極點。長期壟斷，沒有服務品質，只有惡劣的搭車環境，即使班班客滿還是虧錢，這種好康的事業，全世界大概就只有台鐵了吧！原以為有了高鐵的競爭，台鐵會願意改善，好像也是起不了作用。
政府老用「節能減碳」欺騙百姓，50~60年來卻不曾用心改善大眾運輸系統，除了台北市外，哪個縣市有便利的大眾運輸？台灣人只好自力救濟，買汽車、買機車，每家都有好幾部汽機車，這又造成停車問題，住都市的又必須努力存錢買停車位。這些汽機車出門又產生塞車問題，所以政府又開始大肆打通道路，淡北快速道路、蘇花快、各縣市的外環道等等，便利大眾直接開車去消費、去買（炒）房、去度假、去超市，只要財團到哪裡大馬路就開到門口，哪怕是再高、再遠的偏遠山區。
地廣人稀的農村也是大馬路橫來直去，其實就為了炒作土地，以都市計劃為名先開馬路吸引投資客，同時讓在地人誤以為地方真的要繁榮了，多年之後馬路兩旁雜草叢生，散戶投資客也被套牢不少。
這樣的大眾運輸想要發展觀光真是天方夜譚。
Tī網路看tio̍h報導, 日本北海道鐵路公司總裁為tio̍h鐵路事故造chiâⁿ chē人死傷, hō͘人懷疑是自殺謝罪ê新聞. Che hō͘ góa想tio̍h中秋前1暗坐火車ê惡夢.
中秋連續假期前siōng尾1工上班, 為tio̍h方便, 直接ùi台中坐區間車到高鐵站, 到車頭soah chhoah-chi̍t-tiô, 月台頂全全人, kiông-beh chiⁿ bē落, góa kioh是發生siáⁿ-mih大tāi-chì, lō͘尾chiah想tio̍h是連續假期, ta̍k-ê lóng beh坐車tńg厝. 台鐵無派人tī月台頂協助指揮, kan-taⁿ聽tio̍h廣播, chi̍t-ē-á chiūⁿ北到新竹ê區間車改tī第2月台chiūⁿ車, chi̍t-ē-á是beh入站ê車，落南到斗六ê區間車ē慢20外分, koh tú tio̍h另外1班落南ê車, 車to iáu-bōe到, 廣播tō koh講另外2班teh-beh入站ê chiūⁿ北區間車改tī第2月台chiūⁿ車.
實在ē hō͘台鐵氣--死, 第2月台to chiⁿ kah全全人--a, 結果所有時間sio-óa ê區間車lóng tiàm第2月台chiūⁿ車，落車kap chiūⁿ車ê人kheh-kheh chò-hóe, chiūⁿ車ê人mā sa無到底chit班是beh駛去toh位ê車班. Tī車廂內底, 看tio̍h真chē人ngē chiⁿ--入-來, 問看車kám有到i beh去ê所在, koh chiⁿ--出-去, khiā tī車廂內, góa kiông-beh無法度喘氣--a.
平常時lóng駛車, 罕tit坐火車, tú tio̍h chit款bē-su teh走路ê畫面, 正經ē hō͘人tio̍h驚. 是án-chóaⁿ chiah-ê通勤--ê ē-sái忍受chit款大眾運輸系統? 台鐵不時teh thut-chhê, sui-bóng無造chiâⁿ chē人死傷ê嚴重事故, 小事故soah直直發生, koh-khah罕tit準時, m̄-koh台鐵m̄-bat檢討反省, koh-khah免講kā大眾會失禮--a.
想tio̍h chhím出業ê時tī台北chia̍h頭路, ta̍k工ùi桃園坐火車到台北上班, kiàn-pái to tú tio̍h台鐵員工為tio̍h beh hō͘所有ê人lóng chiⁿ chiūⁿ車, khiā tiàm車門邊kā人ngē ǹg車廂內底sak, bē-su teh chiⁿ mi̍h-kiāⁿ kāng款, thang好tún koh-khah chē mi̍h-kiāⁿ入--去. Hit-chūn上下班lóng是góa ê惡夢, ta̍k工lóng tī車廂--nih踏bē tio̍h thô͘-kha, khiú bē tio̍h手hōaⁿ-á, ná浮tī人群內底, lō͘尾決定放棄chit款m̄-chiâⁿ人ê生活, 流浪到彰化, 客運車班chió bóng chió, mā tiāⁿ bē準時, 總--是m̄免koh kap人chiⁿ火車chiⁿ kah gōng面--去.
想tio̍h朋友bat講--過, 台鐵慶祝100年ê時, m̄-bat想tio̍h台鐵kan-taⁿ是tī日本ê基礎延長鐵路線kap進行維修保養niâ, 100年--a mā iáu kan-taⁿ有hit 1條鐵枝路, án-ne mā敢慶祝100年, 有影是bē kiàn-siàu. 長期壟斷, 無服務品質, 坐車環境hiah-nī bái, 準ta̍k班車坐kah tīⁿ-tīⁿ iáu是了錢, chit款好khang ê事業, 全世界góa看kan-taⁿ台鐵! 本底想講有高鐵teh競爭, 台鐵應當ē想beh改善, 看--來是無siáⁿ作用.
政府直直用『節能減碳』騙人民, 50~60年來m̄-bat用心beh改善公共運輸, 除去台北市, toh 1 ê縣市有利便ê公共運輸? 台灣人tio̍h-ài靠ka-tī, 買車, 買o͘-tó͘-bái, ta̍k戶lóng kúi-nā隻車kap o͘-tó͘-bái, che koh造chiâⁿ停車問題, tòa都市--ê koh tio̍h kut-la̍t khiām-chîⁿ買停車位. Chiah-ê車出門koh造chiâⁿ that車問題, 政府choaⁿ-á koh開始sì-kè開新路, 淡北快速道路, 蘇花快速道路, 各縣市ê外環道等等, hō͘ ta̍k-ê直接駛車去消費, 去買厝(炒房地產), 去度假, 去超級市場, 財團去到toh, 大路tō khui到in門kha口, koh-khah kôan, koh-khah hn̄g ê偏僻山區mā kāng款.
Khoah-bóng-bóng無tòa jōa chē人ê農村mā是大路直直開, 其實是為tio̍h炒土地, 用「都市計劃」ê名義先開路來招投資客, mā hō͘在地人kioh是地方beh發展--a, thèng-hāu kúi-nā冬後, 大路雙pêng邊草á生kah phēng人khah kôan, 散鳥á戶投資客mā hông『套牢』.
Chit款大眾運輸講beh來發展觀光, góa看是khah早khùn khah有眠.
留言列表
