豬狗精牲、官僚政客眼中只有利益，美感算什麼？生活記憶算什麼？
雖然環評已通過淡北道路，但反淡北運動仍未放棄，9月17日下午新北市政府辦「國際無車日」活動，反淡北運動也發動抗議，由淡水捷運站沿河岸走到郵局，再轉進老街走回來，沿路舉標語、喊口號、發傳單，表達憤怒的抗議。
從讀大學到現在，我在淡水住了將近20年，20年來權力者強調「經濟發展」的變化，已經讓淡水從寧靜樸實的小市鎮變成「人工大怪獸」，雖然淡水的變態發展只是整個台灣發展的一部份，但卻能看到整個台灣變態發展的縮影。
每次想到這裡，就只有心痛與憤怒！
進淡水到學府路口，路旁的駁坎爬滿綠藤，看了很舒服，卻要毀掉改成人工排字的小花盆，然後兩、三個月枯死，再消耗預算換新盆栽。
淡水捷運站後方新闢的大綠地，過去是河面，從捷運站後日本時代水上機場遺址的沙洲往渡船頭方面延伸，共填河造陸了2.5公頃。颱風來時這片地就被河水吞沒了，颱風過後還能再花大筆經費維護。這卻是政客官僚引以為傲的政績。
9月17日抗議行動後，和綠盟的朋友一起去河岸邊的「有河BOOK」，從書店二樓陽台看下去，比站在平地看更讓人震撼。是什麼樣的腦袋會想出這種建設、這種公共工程？
郵局附近的日本房舍，有日本時代警察宿舍、日本文人畫家舊居，接連被拆除，變成一棟棟沒有靈魂的大建築（官方說是藝術工坊）。媽祖廟前（福佑宮）市場拆除，說好要成為通河岸的廣場，卻又變成奇怪的廣場「建築」。淡水老街已成為沒有歷史建築的「老街」。
祖師廟，為了讓進香團大客車直接開到廟埕，重建街也拆。清水街市場，我想早晚也將不保。
紅毛城對面河岸，舊海關碼頭，河岸長滿大樹，很幽靜的地方。現在蓋了一座沒有必要的橋，還把河岸的大樹砍了一整排。又是為了配合財團的發展「觀光休閒經濟」。
滬尾砲台旁多了個「一滴水紀念館」和「和平公園」，為了公園的造景，整片山坡的樹林被砍平，只剩幾棵長不高的樹。
漁人碼頭，蓋了一座與在地完全無關的「奈何橋」，連「漁人碼頭」這個名稱也與台灣完全不相干。前不久在電視新聞報導「淡水情人塔」，跑去看才知道淡水港多了一棟飯店，那個地方原本是一整遍的大草皮，小孩子可以高興地在那裡跑跳、放風箏，現在成了財團的「圈地」。其實，連淡水港接沙崙那一條路都不該開通。以前那是一片寧靜的沙埔。
再往北，根本不該開發的淡海新市鎮，目前仍只有最多數千人居住，20年前的計畫卻是預訂容納30萬人口（淡水目前只有14.5萬人口）。豬狗官僚政客不但不中止失敗的計畫，還準備更大規模地破壞淡水來成就這個計畫。無論計畫成敗，這片原本的大片樹林、草埔、田地無法再回復。一旦新市鎮開發成功，再蓋100條淡北道路也無法解決交通，除非淡水河填平變成道路。
然後，是預訂年底開工的淡北道路。竹圍淡水間捷運外至河岸邊整遍綠帶，過去佈滿垃圾、廢土，經過好多年轉變成完整的綠帶，不只是休閒功能，更是人工化生活環境與自然環境間的緩衝帶。未來開通淡北道路後將整個毀壞。而淡北道路還在計畫階段，就已經允許某些有權勢者在那裡蓋豪宅了。據官方說法，花30億、破壞環境、破壞居民的集體記憶，這麼大的代價，換來的只是淡水關渡間行車「可能」「減少5分鐘車程」。
淡江大橋一旦完成，又是一項大災難。淡水河出海口將出現一堵牆（橋）。景觀問題還不是重點，但環境的破壞必將導致更大的災難。假如十幾年前八里環快、淡水環快沒被擋下來，試想，淡水河左岸跟右岸都有一條高架快速道路，阻隔人的生存空間與河岸，然後遠方出海口又多了一堵牆，從竹圍往淡水河出海口看過去，這片水域變成什麼樣子？淡江大橋只不過又是一項圖利財團的戲碼。
淡水輕軌捷運正在開說明會。淡水輕軌捷運的規劃，「青山線」從外環道通淡海新市鎮，「綠水線」從淡水老街通淡海再轉進新市鎮接青山線。蓋好後老街將禁止車輛進入，不過在官方規劃，淡水老街街區將成為「觀光休閒專區」，這樣一來淡水老街整個功能將大變化，加上渡船頭搬到捷運站後填河造陸的地方，這個地方將變成純觀光、商業功能，不再適合一般人居住，然而原本住這裡的人呢？雖然說明會反對者佔大多數，但官方辦說明會只是要完成法定程序，不是聽取地方意見的，既定政策就是既定政策。
人民、歷史記憶、生存環境、生活品質，不過是豬狗政客、粗暴官僚、貪婪財團聚積財富、壟斷資源的工具！
豬狗cheng-seⁿ, 官僚政客目chiu kan-taⁿ看ē tio̍h利益, 美感算siáⁿ? 生活記tì算siáⁿ?
Sui-bóng「淡北道路案」通過環境影響評估, m̄-koh反淡北運動無án-ne tō beh準soah, 9月17 e-po͘新北市政府辦「國際無車日」活動, 反淡北運動mā發動抗議, ùi淡水捷運車頭順溪岸行到郵局, chiah koh se̍h入去老街行--tńg-來, 沿路giâ標語, hoah口號, pun傳單, 表示對官方政策ê憤怒kap抗議.
Ùi讀大學到taⁿ, tī淡水mā tòa beh 20冬--a, 20冬來權力者強調「經濟發展」ê變化, hō͘淡水ùi樸實tiām靜ê小市鎮pìⁿ做「人工化ê大妖怪」, sui-bóng淡水變態ê發展kan-taⁿ是kui-ê台灣發展ê 1部份, m̄-koh soah mā ē-tàng ùi chia看tio̍h kui-ê台灣變態發展ê縮影.
Kiàn-nā想到chia, tō內心痛疼, koh kui腹肚火!
入淡水, 來到學府路口, 路邊kui排ê kiā藤á soan kui phiàn, 看--tio̍h hō͘人真爽快, 公所soah kā破壞, 改做人工排字ê花盆á, koh 2~3月日lian--去, tō koh khai預算換新花盆.
淡水捷運車頭後piah ke--出-來kui大phiàn ê草埔公園, 過去是淡水河溪流ê水面, ùi捷運車頭後piah日本時代水上機場遺址ê沙埔, 直直thàng ǹg渡船頭ê向, lóng-chóng thūn 2.5公頃. 風颱來ê時chit phiàn草埔tō hō͘溪水im--去-a, 風颱走了後, chiah koh khai大筆經費來維護. Che soah pìⁿ做政客官僚感覺真iāng ê政策.
9月17抗議行動soah, kap綠盟ê朋友chò-hóe去溪岸邊ê「有河BOOK」, ùi冊店2樓露台看--落-去, phēng khiā tiàm平地看, koh-khah hō͘人shock. 是siáⁿ-mih款ê頭殼ē想出chit種建設, chit種公共工程?
郵局附近ê日本厝, 有日本時代警察宿舍, 日本文人畫家tòa--過ê所在, 連sio續hông thiah掉, pìⁿ做1棟1棟有體無魂ê大建築(官方講是『藝術工坊』). 媽祖廟頭前(福佑宮) ê市場thiah掉--a, 本底講beh改做thàng溪岸ê廣場, soah koh pìⁿ做怪奇ê廣場「建築」. 淡水老街已經chiâⁿ做無歷史建築ê「老街」.
祖師廟, 為beh hō͘割香ê大bá-suh直接駛到廟埕, 重建街mā thiah, 清水街市場, góa看早慢mā ē無--去.
紅毛城對面溪岸, 古早ê海關碼頭, 溪岸生chiâⁿ chē大châng樹á, 真清幽ê所在. Chit-má soah起1 pán無需要ê橋, 岸邊ê大樹châng mā chhò kui排去. Koh是為tio̍h配合財團發展「觀光kap經濟」.
砲台埔ke 1棟「一滴水記念館」kap「和平公園」, 為tio̍h公園ê造景, kui phiàn山phiâⁿ ê樹林á soah chhò了了, chhun kúi châng生bē大châng ê樹á.
『漁人碼頭』, 起1 pán kap在地完全無關係ê「奈何橋」, hām『漁人碼頭』chit ê名mā kap台灣完全無關係. 前無jōa久tī新聞看tio̍h『淡水情人塔』ê報導, 走去看chiah知淡水港ke 1棟大飯店, hia原本是kui大phiàn草埔, gín-á ē-sái tī hia走跳, pàng風吹, chit-má soah pìⁿ做財團ê『圈地』. 其實, hām淡水港接沙崙hit chōa路mā無應該開通--ê, khah早hia是1 phiàn tiām靜ê海埔.
Koh ǹg北, 根本無應該開發ê淡海新市鎮, 目前iáu kan-taⁿ kúi千人teh tòa, 20冬前ê計畫àn-sǹg beh tòa 30萬人口(淡水到taⁿ人口是14.5萬). 豬狗官僚政客m̄-nā無beh kā失敗ê計畫停--起-來, 顛倒beh koh-khah大規模來破壞淡水thang成就chit ê計畫. 無論計畫成iah敗, chit tah本底kui大phiàn ê樹林, 草埔, 田地lóng無可能koh回復. 新市鎮若萬不一開發成功, koh開100條淡北道路mā無法度解決交通問題, 若無, tō是ài kā淡水河khàm kòa pìⁿ做路.
Koh來, 是àn-sǹg年底開工ê淡北道路. 竹圍á到淡水電車路到溪岸邊chit phiàn樹林草埔, khah早全是pùn-sò kap工程廢thô͘, 經過kúi-nā冬chiah轉變做hiah sù-sī ê樹林草埔地, m̄-nā有hō͘人hioh喘chhit-thô ê功能, mā是人工化生活環境kap自然環境中á ê『緩衝帶』. 未來淡北道路開好了後chia ē kui-ê害了了. 淡北道路iáu tī計畫階段, tō已經允準chi̍t-kóa有權勢者tī hia起別莊--a. 照官方講--ê, khai 30億, 破壞環境, 破壞民眾ê集體記tì, chiah-nī大ê代價, 換--來-ê kan-taⁿ是淡水到關渡駛車「可能ē-tàng減5分鐘路程」.
淡江大橋若起--起-來, 又koh是1項大災難. 淡水河出海口ē出現1 tó͘牆á (橋). 景觀問題iáu m̄是重點, m̄-koh環境ê破壞終其尾ē造chiâⁿ koh-khah大ê災難. 假使10外冬前八里環河快速道路kap淡水環河快速道路無擋--落-來, 想看māi, 淡水河正pêng岸kap tò-pêng岸lóng有1 chōa phô͘ kôan ê快速道路, kā人生存ê空間hām河岸隔--開, 出海口koh ke 1 tó͘牆á, ùi竹圍á ǹg淡水河出海口看--過-去, chit phiàn水域ē pìⁿ做siáⁿ-mih款? 淡江大橋kan-taⁿ koh是1項配合財團ê公共工程.
淡水路面電車tng teh開說明會. 淡水路面電車ê規劃, 「青山線」ùi外環道thàng淡海新市鎮, 「綠水線」ùi淡水老街thàng淡海, chiah koh oat入去新市鎮接青山線. 照官方規劃ê書面資料, 起好了後老街ē禁止車進出, 淡水老街ē pìⁿ做「觀光消費專區」, án-ne來淡水老街kui-ê功能ē有大變化, 渡船頭koh搬到捷運車頭後piah, chit ê所在ē pìⁿ做單純觀光kap商業功能, 無適合一般人tòa, 本底tòa tī chia ê人--leh? Sui-bóng說明會反對意見佔大多數, m̄-koh官方辦說明會是為tio̍h完成法定程序, m̄是beh聽地方意見--ê, 既定政策tō是既定政策.
人民, 歷史記tì, 生存環境, 生活品質, chiah-ê lóng kan-taⁿ是豬狗政客, 粗魯官僚, siáu貪財團累積資產, 壟斷資源ê工具!
留言列表
