有幾個朋友都曾問，有沒有考慮過帶你離開這個地方？這些朋友的意思是，我們這個社會愈來愈讓人看不到未來的希望，我們要堅持原則，不但很難得到別人的理解和尊重，等你更大一點要去學校讀書時，也將面對很殘酷的矛盾、很大的衝突，他們一想到這裡都會很不捨。
確實，在我們這裡，人的價值與尊嚴有高低之分。物質的世界看來很進步，卻將人的基本存在和價值掩蓋了過去。
有一些人，通過一項政策或一處土地變更，他們財產是億來億去在增加的。也有一些人，他們在路邊舉賣房子的廣告看板，一天賺800元，加油站的工讀生時薪約100元，新聞常「廣告」那種舒適的大餐廳，他們必須做多少小時的工作，才能夠去那種地方享受一頓大餐？若想出去玩，很多很漂亮的風景區蓋起了許多高級旅館，事先訂房還得排好幾個月，但像我們巷口超商的店員，他們必須拚命做幾天的工作，才能夠到那種地方住上一晚？
在我們這個社會，人的價值與尊嚴就是用「錢」在秤斤秤兩的。
因此，我們大部份人都會極力告誡自己的孩子說，要拚命讀書未來才有出脫，比較有辦法輕鬆賺錢，才不會被人看不起。
講到教育，在我們這裡，最有能力的人，他們能夠讓自己的孩子念「貴族學校」或送到外國，不必和我們一起被這種豬狗教育荼毒。能力差一點的家庭，他們也能夠常帶孩子出國觀光，讓孩子的視野開闊一點，他們也能夠替孩子選班級、挑老師，能夠和學校商量讓他們的孩子有比別人更好的學習成績。
沒辦法的人呢？我們家後面那些蓋房子的工人，他們的孩子受著豬狗教育的荼毒，他們有心力計較嗎？我們這附近常遇到的大樓清潔工或警衛，得到了相對等的尊重嗎？他們要怎麼讓他們的孩子視野更為開闊呢？在部落裡，連「營養午餐」的費用都繳不出來的孩子，要怎麼計較人的價值與尊嚴？在大都市裡茫然度日的年輕人，他們要怎麼想像他們的未來？
大家怎麼能夠忍受下去？是，大多數人都很不滿，但不滿之餘只是無奈。大家難道不希望改變？當然希望改變，然而只要選舉狂熱症發作起來，原則和道理跟著支持對象的立場和利益轉過來轉過去，對與不對的標準，也能夠為了支持與反對的因素而相反！這樣能夠改變什麼呢？
你出生在這樣的世界，也將在這樣的世界裡成長，對你，我心裡當然很過意不去。考慮過帶你離開這個地方嗎？沒有，我們不曾這樣考慮過。我們一樣在這個扭曲的世界中成長，也一直沒有放棄要改變。我們都已走到這裡了，這時若選擇離開這裡，不就表明了堅持、不妥協、想改變是沒有用的嗎？而且，你是台灣囝仔，在這裡出生，我們這裡就是這麼殘破，我希望你勇敢面對事實，必須讓你面對未來將遇到的矛盾與衝突，也必須讓你找到自己有原則地在這個地方生活的方法。
這樣做對我們、對你都是考驗，這個考驗不是一時的，將是持續不斷的。我們會在現實生活中一再遇到衝突，要這樣做我們必須付出一定的代價。在未來那個時候，無論我們怎麼想、怎麼做，實際面對矛盾與衝突的是你，希望到時候你能夠勇敢去面對並解決衝突。
大多數人都對現狀不滿，也都認為想改變的嘗試都無效，寧願繼續活在不滿與無奈中；大家都希望改變，卻又都沒有勇氣來改變。這是「有樣學樣」的結果。我們希望你們這一代不要像我們這代人這麼懦弱、無知與傲慢，我們就必須先在自己身上、在自己心裡找到那些不同的東西，我們也必須走在前面，做你們看。
我們希望你們這代能夠活得比我們更有尊嚴，也希望你們的視野比我們更為開闊，勇敢去開創你們的時代和你們的世界。我也必須提醒自己，到了那個時候，我必須學會「放手」讓你勇敢將腳步跨出去。
有kúi-nā ê朋友bat問講, kám有考慮chhōa lí離開chit ê所在? Chiah-ê朋友ê意思是講, lán chit ê社會jú來jú hō͘人看bē tio̍h未來ê ǹg望, góan beh堅持原則, m̄-nā無受tio̍h人理解kap尊重, 等lí khah大hàn ài去學校讀冊, mā tio̍h面對真殘酷ê矛盾, 真大ê衝突, in若想到chia to ē真m̄甘.
確實, tī lán chit ê所在, 人ê價值kap尊嚴有pun kôan-kē--ê. 物質ê世界看--來真進步, soah kā人ê基本存在kap價值am-khàm--去.
有chi̍t-kóa人, 通過1項政策iah是1位土地變更, in財產是億來億去teh增加--ê. Mā有chi̍t-kóa人, in tī路邊giâ賣厝ê廣告khanpang, 1工thàn 800 kho͘,加油站ê工讀生1點鐘薪水100 kho͘,新聞chhāing-chāi teh「廣告」hit款sù-sī ê大餐廳, in tio̍h做kúi點鐘ê工, chiah有thang去hit款所在chia̍h 1 tǹg chheⁿ-chhau好料--ê? 若想beh出去chhit-thô, 真chē真súi ê所在起chiok chē高級旅館, 事先beh訂房間koh tio̍h排kúi-nā月日後, m̄-koh像lán巷á口超商ê店員, in tio̍h piàⁿ勢做kúi工ê khang-khòe, chiah有thang tī hit款所在tòa 1暗?
Tī lán chit ê社會, 人ê價值kap尊嚴tō是用「chîⁿ」teh chhìn斤chhìn兩--ê.
M̄-chiah ē講, lán大部份ê人lóng ē教示gín-á講tio̍h piàⁿ命讀冊未來chiah有出脫, thàn khah有chîⁿ chiah bē hō͘人看無目地.
若講tio̍h教育, tī lán chia, siōng gâu ê人, in ē-tàng hō͘ gín-á讀「貴族學校」iah是送去外國, m̄免kap lán chò-hóe hō͘ chit款豬狗教育chau-that. 無hiah gâu m̄-koh iáu有châi-tiāu--ê, in ē-sái ta̍k不時chhōa gín-á出國chhit-thô, hō͘ gín-á眼界thang好khah開khoah, in mā有châi-tiāu替gín-á kéng班, kéng老師, ē-sái kap學校chhiâu看beh án-chóaⁿ hō͘ in ê gín-á比人khah有出脫.
無châi-tiāu ê人--leh? Lán厝後piah hiah-ê起厝ê工人, in ê gín-á hō͘豬狗教育teh chau-that, in beh nah有精神hām khùi力thang好計較? Lán chit附近chhiâng-chāi tú--tio̍h ê大樓清潔工iah是警衛á, kám有受到sio對等ê尊重? In beh án-chóaⁿ hō͘ in ê gín-á眼界khah開khoah--leh? Tī部落hām『營養午餐』ê費用to la̍p bē出--來ê gín-á, beh án-chóaⁿ計較人ê價值kap尊嚴? Tī大都市--nih bông-bông biáu-biáu過日子ê少年家, in beh án-chóaⁿ望in ê未來?
Ta̍k-ê beh nah忍受ē落--去? 是, 大多數人對chiah-ê lóng真不滿, m̄-koh不滿以外kan-taⁿ知無奈. Ta̍k-ê kám無ǹg望改變? 有, m̄-koh piān-nā選舉症頭giâ--起-來, 原則kap道理lóng tòe支持對象ê立場kap利益sóa過來sóa過去, tio̍h kap m̄-tio̍h ê標準, mā thèng好為tio̍h支持kap反對ê因素來顛倒péng! Án-ne是有thang好改變siáⁿ?
Taⁿ, lí tī chit款世界出世, mā tio̍h tī chit款世界成長, 對lí, góa心內當然真bē tit過. Kám有考慮chhōa lí離開chit ê所在? 無, góan m̄-bat án-ne考慮--過. Góan mā kāng款tī chit款扭曲ê世界成長, mā一直無放棄beh改變. Góan to行到chia--a, chit-chūn若走離開chia, m̄ tō是kā人講, 堅持, m̄妥協, 想beh改變是無khah-cho̍ah--ê? Koh再講, lí是台灣gín-á, tī chia出世, lán chit ê所在tō是chiah-nī-á破爛, góan ài hō͘ lí勇敢面對事實, ài hō͘ lí面對未來ē tú--tio̍h ê矛盾kap衝突, mā ài hō͘ lí chhōe tio̍h hō͘ ka-tī有原則來tiàm chit ê所在生活ê方法.
Án-ne做, 對góan, 對lí, lóng是考驗, che考驗m̄是一時一刻--ê, 是無thang停khùn--ê. Lán ē tī現實ê生活一直tú tio̍h衝突, beh án-ne做lán tio̍h付出一定ê代價. Tī未來hit ê時chūn, 無論góan án-chóaⁿ想, án-chóaⁿ做, 實際面對矛盾kap衝突--ê是lí, ǹg望到時chūn lí ē勇敢去面對kap解決衝突.
大多數人lóng對現狀不滿, mā認為beh án-chóaⁿ改變lóng無效, 甘願繼續活kah不滿koh無奈; ta̍k-ê lóng ǹg望改變, m̄-koh ta̍k-ê soah koh無勇氣正經來改變. Che是「有樣o̍h樣」造chiâⁿ--ê. Góan ǹg望lín chit代bē像góan chit代hiah-nī nńg-chiáⁿ, hiah-nī無知koh hiah-nī驕慢, m̄-koh góan ài先tiàm ka-tī身軀頂, tiàm ka-tī心肝底chhōe tio̍h hiah-ê無kâng ê mi̍h-kiāⁿ, góan mā tio̍h先行tī lín頭前, 做hō͘ lín看.
Góan ǹg望lín chit代ē-tàng活kah比góan khah有尊嚴, mā ǹg望lín眼界ē比góan khah開khoah, 勇敢去開創lín ê時代kap lín ê世界. Góa mā tio̍h提醒ka-tī, 到hit ê時chūn, góa ài知影thang「pàng手」hō͘ lí勇敢kā kha步hāⁿ--出-去.
留言列表
