8月時和姊姊去了一趟珠海和深圳，因為是跟旅行團走馬看花，跑跑熱鬧的地方，除了城市與市郊，看不到一般民宅，連來往兩地的高速公路兩旁也看不到，讓我覺得很不舒服。獨裁政權的行政效率，為了讓外人看到繁華熱鬧的假象，民宅可以一夕之間消失，全數改建為高樓大廈的國民住宅，大樓櫛比鱗次，一棟高過一棟，這難道就是進步、就是文明嗎？
原本想看看那裡的傳統民宅與台灣的差異，結果大失所望，根本看不到，所謂的傳統民宅也是為了觀光用，可以拆掉後整個重蓋。中國太湖申請世界遺產登錄就是如此，把消失不見數百年，或者是虛擬、傳說中的故事場景，都可以利用現代建築一一呈現，然後登錄世遺，再以專家學者身分被台灣邀請來談虛假的歷史文化地景，分享文化資產保護的經驗。
我和我姊姊、姊夫提到怎麼都看不到一般的民宅，都是集中管理的公寓大廈，是為了方便管理統治嗎？他們說一般民眾也很高興民宅換大樓公寓，我姊說他們公司的某某人娶了中國老婆，那位中國老婆家裡就是這樣，民宅拆除興建大樓後，依人口分配公寓，他們家分到兩間，她就分到其中一間，那位中國老婆還說大家都很高興也很感謝政府幫他們換新房子，而且女兒都可以分到一間房子，比較容易嫁掉。或許有的人很喜歡沒有歷史記憶、統一格式的大廈公寓，或許他們覺得這是繁華進步的象徵，但我就是不能想像住到那種一眼望去除了高樓什麼都沒有的房子，那根本有如坐牢一般。
小時候住的地方老舊且相當偏僻，又因為土地很早就被財團收購，隨時都可能須要搬遷，父親在我國小時就在桃園市區買了房子，但一直都沒搬離，最後因為開發環亞科技園區才被迫搬到市區，搬遷後父母還是經常回山上找親朋好友聊天，每次放假有空，爸爸也都會載媽媽到舅舅家聚會。
那裏的環境都已經很陌生，有一次媽媽突然帶我去看唯一留下來的土地公廟，小時候唯一的遊樂場所，原本在一片曠野中很寬闊雄偉的土地公廟與榕樹，在大型廠房中卻變得如此藐小，很難連結。現在我和妹妹夢到父母的場景都是小時候的家園，我也常在夢中迷失在那既熟悉又陌生的場域中找不到出口。斷了線的風箏回不到原點，失去歷史根基的人，迷失在即時更新的速食文化中，又要如何回到原鄉？這是我短暫到中國旅遊的感受，讓我感到十分不舒服，甚至難過。
再談到「賽德克巴萊」現象。我現在工作的這個文化單位，做的是很沒有文化的事情，想到我們的納稅錢被他們拿來這樣亂搞就覺得心疼。上次和一位同事提到，文化政策因為執政者的意識，變動的差距是天南地北，沒有交集，大筆經費預算就這樣耗損實在很可惜，現在主力推動文化創意產業，可是沒有文化根基如何推動？
現在我們組裡有個「台灣世界遺產潛力點特展」，組長與科長找了隔壁的國小美術班學生畫台灣世界遺產的潛力點，結果在現場我看到的只有原住民的人頭像，有紋面的、插著羽毛的，現場每個頭像都有些類似，應該是老師拿幾個圖像給學生照著畫。這就是我說的「速食文化」，對原住民的想像可以簡化成就是出草、紋面以及山豬牙齒、羽毛、貝殼等裝飾品；同樣的，客家文化聯想到的就是桐花、擂茶、花布。政治人物也以如此「速食」的方式：穿上傳統服飾、秀上幾句話，這樣就是關心、重視，連社會運動都能以快閃的方式進行，就是不知他們到底在說什麼，要凸顯什麼？表現什麼？「意義不重要，重點在形式」，這是執政者的愚民政策，不只方便統治，更容易煽動。
我深深認為，思想的改造是需要長時間的建立，可能努力一輩子也看不到成果，也只有愚人才願意投注心力在這工程上，不只是需要忍受孤寂，更要有勇氣對抗、反擊那些時尚潮流。這卻也是我們目前最需要的。
8--月有kap a姊去1 chōa珠海kap深圳, góan是tòe旅行團, 行程lóng走khah lāu-jia̍t ê所在, 除去都市kap郊區, 看bē tio̍h一般khiā-ke厝宅, 連tī高速公路頂mā看bē tio̍h雙pêng邊ê光景, hō͘ góa ê感受實在是無siáⁿ好. 獨裁政權ê行政效率, 為tio̍h hō͘外人看tio̍h繁華lāu-jia̍t ê假象, 一般厝宅chi̍t目nih tō ē-sái消失, kui-ê改做大樓ê國民住宅, 大樓1棟khah kôan過1棟, che kám tō是進步, tō是文明?
原底góa想beh看hia ê傳統厝宅kap台灣有siáⁿ無kâng, soah真失望, 根本tō看bē tio̍h, 所謂ê傳統厝宅mā是為tio̍h觀光, ē-sái lóng thiah掉了後chiah koh kui-ê重起. 中國太湖申請世界遺產登錄tō是án-ne, 消失kúi-nā百冬, 無影--ê iah是傳說ê故事光景, lóng ē-sái利用現代建築造--出-來, koh去登錄世界遺產, chiah koh用專家學者ê身分hō͘台灣邀請來談hiah-ê假ê歷史文化光景, 分享文化資產保護ê經驗.
Góa kap góan a姊hām姊夫問講nah ē lóng看bē tio̍h一般厝宅, 全全是集中管理ê公寓大樓, kám是為tio̍h方便管理kap統治? In講一般民眾mā真歡喜厝宅換做公寓大樓, góan a姊講in公司某某人娶中國bó͘, hit ê中國bó͘厝--nih tō是án-ne, 厝宅thiah掉起大樓了後, 照人口數分配公寓, in tau pun tio̍h 2間, i tit tio̍h其中1間, hit ê中國bó͘ koh講ta̍k-ê lóng真歡喜mā真感謝政府替in換新厝, koh hām cha-bó͘-kiáⁿ to pun tio̍h 1間, án-ne khah嫁ē出--去. Hōan-sè有人真kah意無歷史記tì, 統一格式ê大樓公寓, hōan-sè in認為án-ne tō是繁華進步, m̄-koh góa實在無法度忍受tòa tī hit種ùi厝內看--出-去全是大樓ê景緻, he kap坐監有siáⁿ無kâng?
細hàn tòa ê所在真舊koh偏僻, 土地真早tō hō͘財團買--去, 隨時to有可能tio̍h搬走, góa讀國校á ê時góan pa-pa tō tī桃園市區另外買厝, m̄-koh一直無搬--過, lō͘尾beh開發環亞科技園區chiah被迫搬去市區, 了後góan父母iáu真chia̍p tńg山頂chhōe親chiâⁿ朋友khai-káng, piān-nā hioh-khùn日有閒, pa-pa mā lóng ē載ma-ma去a舅in tau聚會.
Hia ê環境taⁿ lóng生疏--a, 有1 pái ma-ma chhōa góa去看唯一留--落-來ê土地公廟, hia是細hàn ê時唯一thang chhit-thô ê所在, 本底tī chit kui phiàn土地--nih真khòng-khoah ê土地公廟kap真大châng ê chhêng-á, 夾tī大型廠房--nih soah pìⁿ kah jōa-nī-á細--leh, kap記tì差真chē. Chit-má góa kap小妹若夢tio̍h父母lóng是細hàn時ê家園, góa mā tiāⁿ tī夢--nih chhōe無hit ê koh se̍k-sāi koh生疏ê所在. 斷線ê風吹飛bē tńg--來, 失去歷史記tì ê人, 迷失tī隨時換新ê速食文化--nih, koh beh án-chóaⁿ tńg到原鄉? Che是góa去中國短期旅遊ê感受, góa心內真無爽快, 真艱苦.
Koh來講「Seediq Bale」現象. Góa chit-má chia̍h頭路chit ê文化單位, 做--ê是真無文化ê tāi-chì, 想tio̍h lán ê稅金hō͘ in sa去án-ne亂bú tō真痛心. 頂pái kap 1 ê同事講--tio̍h, 文化政策因為執政者ê意識, 變動ê程度tiāⁿ-tiāⁿ to天差地--leh, 真oh tit thang sio交chhap, 大筆ê經費預算tō án-ne thó-chè--去, 有影chiâⁿ phah-sńg, chit-má全力beh推sak文化創意產業, m̄-koh無文化基礎是beh推sak siáⁿ?
Góan chit組有1 ê「台灣世界遺產潛力點特展」計畫, 組長kap科長chhōe隔壁ê國校á美術班學生畫台灣世界遺產ê潛力點, 結果tī現場góa看--tio̍h-ê kan-taⁿ原住民ê人頭像, 有chhiah面--ê, 頭頂插鳥á毛--ê, 現場ta̍k ê頭像lóng beh kâng beh kâng, 應該是老師the̍h kúi-nā ê圖像hō͘學生照leh畫. Che tō是góa講ê「速食文化」, 對原住民ê概念ē-sái簡化做tō是出草, chhiah面kap山豬牙, 鳥á毛, 螺á殼chiah-ê mi̍h-kiāⁿ; kāng款ê情形, 客家文化tō是油桐花, 擂茶, 花布. 政治人物mā用chit款「速食」ê方式: 傳統ê衫chhēng--起-來, làu kúi句á話, án-ne tō是關心kap重視, hām社會運動tōē-sái用chit款方式進行, tō是sa無in到底beh講siáⁿ? Beh凸顯siáⁿ? Beh表現siáⁿ?「意義無重要, 重點是形式」, che是執政者ê愚民政策, m̄-nā方便統治, koh方便煽動。
Góa深深認為, 思想改造需要長時間來建立, hōan-sè piàⁿ 1世人mā看bē tio̍h成果, mā kan-taⁿ「gōng人」chiah甘願kā khùi力hē tiàm chit款khang-khòe, án-ne做m̄-nā tio̍h忍受孤單, koh tio̍h-ài有勇氣對抗kap反擊hiah-ê時行ê潮流. M̄-koh che正經是lán目前siōng需要--ê.
留言列表
