11月19日下午去看電影〈牽阮的手〉，走出戲院至今，我的思緒還一直反覆徘徊在每個鏡頭、每首歌襯托下的田朝明醫師。看著田醫師領著田媽媽一生追尋公義的行誼，心裡除了敬佩還有更多感慨。
我在想一個問題：生在田醫師的時代是不是遠比現代幸福？因為在那個反抗的年代，是個有熱情、有理想、有堅持的時代，是個英雄、烈士受到尊敬與推崇的時代。反觀成長在台灣解嚴後的時代，有理想、有堅持會被人當做傻瓜，整個社會運動在2000年政黨輪替後就不斷萎縮倒退，社運人士被出賣、被收編，整個社會「表面」自由了、民主了，卻突顯了更大的不義與墮落，對照過去前輩所留下的言行，更顯現在投機政客面目的猙獰與醜陋。
看看台灣整個民主運動的過程，太多的背叛與變節，太多人性的醜陋與貪婪；反觀田醫師過去對台獨以及對真理公義的堅持與追求，恰好是當下那些「變節」、「割稻尾」人士的照妖鏡。
電影裡出現了幾段田醫師公開的演說，我一一牢記在心裡，因為這是一個人格者的箴言。
田醫師對著群眾說：因為我打拚無夠，所以國民黨還未把我抓去關，他覺得內疚，他隨時準備好要去坐牢。言語裡，田醫師展現的就是做一個台灣人的骨氣和氣魄，國民黨怕的就是這種有「kioh-siàu」的人格者。
田醫師在民進黨成立的演說「要大家下大志」，有大志願才不會為小財小利出賣理想；然而不幸的，台獨運動的大志向就是被炒短線的民進黨頭人給推入萬丈深淵。
田醫師說：人的需要只要有一個碗和一雙筷子就夠了。影片裡的田醫師，頭戴斗笠、衣著簡樸，他的言語與行為所展現是表裡一致的。
田醫師說：他一出生就主張台灣獨立，國民黨來台後他更加堅定主張台灣獨立。他對自己的主張是直接、熱切的，而且是不打折扣的。
最後，田醫師躺在病床上，看到台獨聯盟主席黃昭堂來訪的表情，瞪大的眼睛、激動的情緒，他是不是想熱切的說：「主席，我不甘願台獨運動猶原無成功，那是我一生奮鬥的志業，無論如何咱攏繼續堅持打拼下去……」
這部影片並沒有提到田醫師夫婦如何批判台派人士這些年的投機與妥協，或許就如導演所說，這部片要讓台灣人推崇前輩的美德。但是我希望將來也能有一部片來批判出賣者的作為。
[後記]本片有140分鐘版和160分鐘版，電影院放映的是剪掉「批判民進黨」內容的140分鐘版。
11月19 e-po͘去看電影〈牽góan ê手〉, ùi行出電影院到taⁿ, 電影內底ta̍k ê鏡頭, ta̍k條歌突顯--出-來ê田朝明醫師ê影像, iáu一直tī góa頭殼內kún-ká. 看tio̍h田醫師chhōa田媽媽1世人追求公義ê hō-jiah, 心肝底是滿滿ê敬佩kap感慨.
Góa teh想1 ê問題: 生tī田醫師ê時代kám是比chit-má khah幸福? 因為tī hit ê反抗ê年代, 是有熱情, 有理想, 有堅持ê時代, 是英雄hām烈士受tio̍h尊敬ê時代. 翻頭tńg來看, 生活tī台灣解嚴後ê時代, 有理想, 有堅持ē hō͘人當做gōng-giàn頭, kui-ê社會運動tī 2000年政黨輪替了後, tō直直倒退lu, 社運人士hông出賣, hông收編, kui-ê社會「表面」自由--a, 民主--a, soah hō͘ lán看tio̍h koh-khah大ê不義kap墮落, 對照過去sianpai講--ê做--ê, koh-khah hō͘ lán看tio̍h投機政客惡質ê真面目.
看台灣kui-ê民主運動ê過程, 有siuⁿ過chē背叛kap變節, siuⁿ過chē人性ê bái kap貪; 倒tńg來看田醫師過去對台獨kap對真理公義ê堅持hām追求, tú-tú hō͘「變節」,「割稻á尾」hiah-ê人現出原形.
電影內底出現kúi-nā段田醫師公開ê演講, góa lóng kā記tī心肝內, 因為che是1 ê人格者講ê話.
田醫師kā群眾講: 因為góa phah-piàⁿ無夠, 所以國民黨iáu-bōe kā góa lia̍h去關, i感覺真kiàn-siàu, i隨時準備好beh去坐監. Tī話語--nih, 田醫師展現--ê tō是做1 ê台灣人ê骨氣kap氣魄, 國民黨驚--ê tō是chit款有「kioh-siàu」ê人格者.
田醫師tī民進黨成立hit-chūn ê演講「叫ta̍k-ê ài hē大志」, 有大志願chiah bē為小財小利出賣理想; m̄-koh真不幸, 台獨運動ê大志向tō是hō͘顧目chiu前利益ê民進黨頭人bú kah àu-àu臭臭.
田醫師講: 人ê需要kan-taⁿ有1 tè碗kap 1雙筷tō有夠--a. 影片內底ê田醫師, 頭tì瓜笠á, chhēng-chhah真簡單, i講--ê kap做--ê chiok一致--ê.
田醫師講: i chi̍t-ē出世tō主張台灣獨立, 國民黨來台灣了後i koh-khah堅定主張台灣獨立. I對ka-tī ê主張表達kah真直接koh真熱切, 無任何妥協.
Lō͘尾, 田醫師tó tī病床, 看tio̍h台獨聯盟主席黃昭堂來拜訪ê表情, 目chiu thí kah大大lúi, 情緒真激動, i kám是想beh講:「主席, góa m̄甘願台獨運動iû-gôan無成功, he是góa 1世人奮鬥ê志業, 無論án-chóaⁿ lán lóng tio̍h繼續堅持phah-piàⁿ--落-去......」
Chit齣影片無講tio̍h田醫師in ang-á-bó͘ án-chóaⁿ批判台派人士chit kúi冬ê投機kap妥協, hōan-sè tō像導演講--ê, chit齣影片beh hō͘台灣人推崇sinapai ê美德. M̄-koh góa ǹg望未來mā ē-tàng有1齣影片來批判出賣者.
[後記] Chit齣影片有140分鐘kap 160分鐘2種版本, 電影院放送--ê是140分鐘版, 批判民進黨ê內容有ka掉.
留言列表
