今天參加了森祐理演唱會的活動,難得一見的是,講堂裡來了好幾位上了年紀的阿公阿婆。坐我旁邊的同事,今天真是把我嚇到了,聽森祐里小姐唱歌時,她竟哭了起來;往後面、旁邊望去,還真不少人哭泣,後面也不時傳來泣泣啜啜的聲音。其實我也感動了,雖然來了一位東海大學的教授作即席翻譯,但就算不聽翻譯,光聽她說話、唱歌,就會深受感動。
森祐理,一位來自大阪的日本女歌手,弟弟死於1995年的阪神大地震,當時他正就讀神戶大學4年級。因著弟弟的事件,讓她心裡破了一個大洞,也因著這個破洞,讓她能從這個破洞看到別人的傷痛。
我一直在想,她到底和以往的其他演唱詩歌的人有何不同,能讓這麼多人深受感動?是日本人的關係嗎?是她特別漂亮嗎?還是因為她穿著精緻的禮服?突然想到有一次在朋友家看NHK節目,裡頭有個小女生,父母親及姊姊皆喪生於去年的311災難中,災後她和祖父母住,記者問她長大後的願望是什麼,她說「要當一個親切的人」。
就是這句話!我告訴同事,差別在於「人文涵養的培育不同」。在醫院我常問小朋友,長大的願望是什麼?很多小朋友都愣了很久,然後回答「不知道耶」、「都可以啊」,不然就是當醫生、老師、警察、工程師......,這些答案不都和我們小時候課本裡面讀得一模一樣嗎?職業類別的思考。
What's wrong?不是地球生病,而是人生病了!女兒很小的時候我就一直灌輸她,地球、自然、環境、動物、人類等等都是息息相關的。在醫院總會和同事聊聊媽媽經,別人總會問對小孩的期待是什麼,我都是一樣的答案,「要學會和大自然和諧共存」。
3月11日帶女兒北上參加反核遊行,行前友人幫女兒開了個小型說明會,解釋為何要廢核,以及核廢料處理不當造成的影響等等。遊行回來後女兒跟我說,她要將照片帶去給老師,老師會做分享(女兒班上很多同學出去玩拍的照片,會帶去學校給老師,老師會請小朋友做分享)。她說她要告訴小朋友,不可以把不要的垃圾放別人家,核廢料有毒,蘭嶼的小朋友得癌症,癌症就是會死掉的病。
這幾天女兒跟我反應說老師還沒分享她的照片。其實我心裡早有譜,竹竹念的是公幼,學校老師對於這些照片應該會有所顧忌。今早我打電話詢問有關照片的事,老師問我帶這些照片是媽媽妳有特別的意義嗎?是妳的意見嗎?我回答老師說是女兒的意見,因為她很期待和老師、小朋友一起分享。老師很公式化的回應我,分享要和上課主題相關,會另外再找適當時機......。環保不就是生活教育的一部份嗎?為什麼要有意識形態呢?
中華民國的學校教育,就是把人教呆為目的!
女兒這學期有一節教學大綱是與原住民相關的課程,帶回來的學習單是要畫阿美族的七彩布衣、達悟族的拼板舟、紋面等等,感謝電腦,讓我們母女倆輕輕鬆鬆的找到相關資訊。隔天,女兒語出驚人的說了一句「阿美族的人是壞人」,我立刻問她為什麼?她說:「因為他們都欺負小動物。」我再追問:「妳聽誰說的?為什麼?」她回說:「老師啊,老師說阿美族都吃猴子,吃猴子的頭,欺負小動物......」我立刻回女兒:「媽媽知道的是,中國人會吃猴腦、熊的手掌......,沒聽過阿美族吃猴子的頭,阿美族的人不會吃猴腦。」
教育,在台灣誰有資格談教育?魚、肉、蛋、奶......每一樣都碰不得,玩具摸不得,基本的食衣住行都搞不定了,哪能奢求談教育。「教育」二字,在台灣等同於「基測」、「12年國教」。
當女兒問我,什麼是原住民?當女兒問我,北極熊為什麼會死光光?當女兒問我,阿翔的爸爸為什麼要去保護淡水的樹木?當女兒跟我說,電梯不可以按太久會浪費電!當女兒跟我說,她要去北極救北極熊!當女兒跟我說,企鵝快沒有魚吃了。當女兒跟我說,地球只有一個......。我好驕傲!這就是「教育」!
今á日參加森祐理(Mori Yuri)演唱會ê活動, khah hán khòaiⁿ--ê是, 現場來kúi-nā ê有歲ê a公a-má. 坐góa邊--á ê同事, 今á日有影kā góa驚--tio̍h-a, 聽森祐里小姐唱歌ê時, i soah háu--出-來; ǹg後piah hām雙pêng邊--á看--過-去, 有bē-chió人lóng聽kah teh哭, 後piah mā不時傳來teh chhńg ê聲. 其實góa mā有感動--tio̍h, sui-bóng有1 ê東海大學ê教授做翻譯, 是講tō準無聽翻譯, kan-taⁿ聽i講話, 唱歌, tō ē深深受tio̍h感動.
森祐理, 1 ê ùi大阪(Ōsaka)來ê日本cha-bó͘歌手, in小弟tī 1995年ê阪神大地動過身, hit-tang-chūn是神戶(Kobe)大學4年ê學生. In小弟ê tāi-chì, hō͘ i ê心破1 khang chiok大khang, mā是chit ê破khang, chiah hō͘ i ē-tàng ùi chit ê khang看tio̍h別人ê疼.
Góa一直teh想, i kap éng-kòe其他演唱詩歌ê人有siáⁿ無kâng, ē-tàng感動chiah chē人? 是日本人ê關係? 是i特別súi? Iah是因為i chhēng幼工koh súiê禮服? Hiông-hiông想tio̍h有1 pái tī朋友in tau看NHK ê節目, 內底有1 ê cha-bó͘ gín-á, in老父老母kap a姊lóng tī舊年ê 311災難過身, 了後i kap a公a-má tòa, 記者問i大hàn了後ê願望是siáⁿ-mih, i講「beh做1 ê親切ê人」.
Tō是chit句話! Góa kā同事講, 差別tō tī「人文涵養ê養成無kâng」. Tī病院góa tiāⁿ-tiāⁿ問gín-á, 大hàn ê願望是siáⁿ-mih? Chiok chē gín-á lóng ē gāng tī hia chiok久, 了後chiah應講「m̄知neh」,「lóng ē-sái ā」, 若無tō是講beh做醫生, 老師, 警察, 工程師......, chit-kóa答案kám m̄是kap lán細hàn時tī課本內底讀--ê beh kâng á beh kâng? 職業分類ê思考.
What's wrong? M̄是地球破病, 是人破病--a! Cha-bó͘-kiáⁿ iáu chiok細hàn ê時, góa tō一直kā i講: 地球, 自然, 環境, 動物, 人類chiah-ê lóng是sio關連--ê. Tī病院總是ē kap同事講chi̍t-kóa做ma-ma ê tāi-chì, 別人總是ē問góa對gín-á ê期待是siáⁿ, góa lóng應講,「ài o̍h ē-hiáu kap大自然和諧共存」.
3月11 chhōa cha-bó͘-kiáⁿ去台北參加反核遊行, beh去chìn前朋友替cha-bó͘-kiáⁿ辦小型說明會, 解說是án-chóaⁿ ài廢核, koh有核廢料若處理無好ē造chiâⁿ ê影響等等. 遊行tńg--來了後cha-bó͘-kiáⁿ kā góa講, i beh kā chah相片去學校hō͘老師, 老師ē做分享(cha-bó͘-kiáⁿ in班chiok chē tông-o̍h出去chhit-thô hip ê相片, ē chah去學校hō͘老師, 老師ē請gín-á做分享). I講i beh kā tông-o̍h講, bē-sái kā無ài ê pùn-sò khǹg tī別人in tau, 核廢料有毒, 紅頭嶼ê gín-á tio̍h癌, 癌tō是ē死--去ê病.
Chit kúi工cha-bó͘-kiáⁿ kā góa反應講老師iáu-bōe分享i ê相片. 其實góa早tō有心理準備--a, cha-bó͘-kiáⁿ讀--ê是公立幼稚園, 學校老師對chit-kóa照片應該ē有顧慮. 今á日chái-khí góa khà電話問有關相片ê tāi-chì, 老師問góa chah chit-kóa相片kám是ma-ma lí有特別ê意義? Kám是lí ê意見? Góa應講是cha-bó͘-kiáⁿ ê意見, 因為i chiok期待kap老師koh有tông-o̍h tàu-tīn分享. 老師用真公式化ê話語講, 分享tio̍h kap上課主題相關, ē另外koh chhōe適當ê時機...... 環保kám m̄是生活教育ê 1部份? 是án-chóaⁿ ài有意識形態--leh?
中華民國ê學校教育ê目的, tō是kā人教hō͘ gōng!
Cha-bó͘-kiáⁿ chit學期有1節教學大綱是kap原住民相關ê課程, chah--tńg-來ê學習單ài畫Pangcah ê七彩布衫, Tao ê『拼板舟』, chhiah面等等, 感謝電腦, hō͘ góan母á-kiáⁿ輕輕鬆鬆tō chhōe tio̍h相關資訊. 隔tńg工, cha-bó͘-kiáⁿ hiông-hiông pok 1句講「Pangcah是pháiⁿ人」, góa sûi問i是án-chóaⁿ? I講:「因為in lóng欺負動物á.」Góa koh問:「Lí聽siáng講--ê? 是án-chóaⁿ?」I應講:「老師ā, 老師講Pangcah lóng chia̍h猴, chia̍h猴ê頭, 欺負動物á......」Góa sûi kā cha-bó͘-kiáⁿ講:「Ma-ma知影--ê是, 中國人ē chia̍h猴腦, 熊ê手......, 無聽過Pangcah ē chia̍h猴ê頭, Pangcah bē chia̍h猴腦.」
教育, tī台灣siáng有資格談教育? 魚, 肉, 卵, 奶...... ta̍k項to bē chia̍h--tit, gín-á ê chhit-thô-mi̍h mā bē摸--tit, 基本ê生活條件to bú bē好勢--a, beh koh講siáⁿ-mih教育.「教育」2字, tī台灣tō是『基測』,『12年國教』.
當cha-bó͘-kiáⁿ問góa, siáⁿ-mih是原住民? 當cha-bó͘-kiáⁿ問góa,『北極熊』是án-chóaⁿ ē死kah chhun無kúi隻? 當cha-bó͘-kiáⁿ問góa, A-siâng ê pa-pa是án-chóaⁿ beh去保護淡水ê樹á? 當cha-bó͘-kiáⁿ kā góa講, 電梯bē-sái chhi̍h siuⁿ久ē無采電! 當cha-bó͘-kiáⁿ kā góa講, i beh去北極救『北極熊』! 當cha-bó͘-kiáⁿ kā góa講,『企鵝』teh-beh無魚thang chia̍h--a. 當cha-bó͘-kiáⁿ kā góa講, 地球kan-taⁿ 1 ê...... Góa chiok驕傲--ê! Che tō是「教育」!
留言列表