淡水ài發展kap繁榮, tio̍h-ài有koh-khah chē觀光客來, 為tio̍h觀光客, ài kā路hùn-khoah thang利便觀光客ê來去; 為tio̍h觀光客, ài kā溪埔thūn做公園, ài khōng koh-khah chē âng-mn̂g-thô͘地來kā草埔樹林地替代掉, thang好利便觀光客停留; 為tio̍h觀光客, 古蹟園區ài調整kah koh-khah符合觀光客ê khùi口kap消費ê需要; 為tio̍h觀光客......
淡水ài發展kap繁榮, tio̍h-ài有koh-khah chē人來淡水投資kap買厝, án-ne來tio̍h-ài解決淡海新市鎮發展ê困境, 淡江大橋, 淡北道路, 輕軌電車chiah-ê大型公共建設案直直提出, 人kap chîⁿ chiah ē溢來淡水, 淡水chiah ē有未來......
漁人碼頭奈何橋chē kah ná山ê觀光客kap消費, 衰微ê重建街tio̍h hùn-khoah來迎接割香ê遊覽車, 一滴水記念館頭前ê和平公園kā kui-phiàn山phiâⁿ ê大樹châng hut kah chhun無kúi châng, 小坪頂hit 3枝香kap山頭chhoh平hit片別莊真oh無kā ta̍k-ê ê目神bán-tiâu--leh, 溪埔加添1座1座thóng落溪流ê chiūⁿ船碼頭, 舊海關碼頭起1 pán怪奇ê âng-mn̂g-thô͘橋, 無歷史建築ê老街, tiām靜ê古蹟園區jú來jú hi-hoa, gia̍h頭看天頂, 1棟1棟ê大型建案ta̍uh-ta̍uh-á kā天cha̍h--起-來......
發展ê需要真緊tō改變淡水ê地景, mā真緊tō改變淡水人ê生活環境hām步調. 無停khùn ê開發chiah ē-tàng造就淡水ê繁榮kap進步? 發展是為tio̍h siáng ê發展? Siáng ê需要? 淡水人ê需要? 觀光客ê需要? Iah是財團hām政客ê需要?
開發koh再開發, 淡水人ê生活步調, 淡水人ê空間記tì, 淡水人ê環境品質lóng已經chhōe bē tńg--來, 吸引觀光客來淡水--ê是新ê建築kap消費ê熱潮? 搬sóa來淡水--ê是為tio̍h關tī大樓ê房間內欣賞山景kap海景? 車潮, 人潮kap chîⁿ潮tō是發展kap繁榮唯一ê考慮?
20冬前, 淡海hit phiàn phēng淡水街á koh-khah大phiàn, koh-khah khòng-khoah ê樹林草埔hō͘怪手thuh平, ùi hit-chūn開始, 淡水tō已經m̄是淡水人ê淡水--a, 大樓1棟1棟chhāi--起-來, 舊街á chiâⁿ做kui tho͘-lá-kuh無淡水氣味ê店á, án-ne ê淡水kám iáu是淡水?
淡水需要發展與繁榮，必須招來更多觀光人潮，為了觀光人潮，要拓寬道路讓觀光客方便來去；為了觀光人潮，要填河造陸、要用更多水泥地取代綠地，好讓觀光人潮駐留；為了觀光人潮，古蹟園區要調整成更符合觀光客的胃口和消費的需要；為了觀光人潮……
淡水需要發展與繁榮，必須吸引更多人來淡水投資與置產，所以就得解決淡海新市鎮的發展瓶頸，淡江大橋、淡北道路、輕軌電車等大型公共建設案不斷推出，人與錢才會湧向淡水，淡水才有未來……
漁人碼頭奈何橋川流不息的觀光客與消費，沒落的重建街必須拓寬來迎接香客遊覽車，一滴水紀念館前的和平公園讓整山坡的大樹消失大半，小坪頂那三炷香和剷平山頭的大片別墅很難不吸引目光的關注，河岸邊多了一座座突兀的登船碼頭，舊海關碼頭造了一座莫名其妙的水泥橋，沒有歷史建築的老街，古蹟園區的寧靜被喧嘩聲取代，舉頭往上望，天空逐漸被各種大型建案遮蔽了……
發展的需要快速地改變了淡水的地景，也快速地改變了淡水人的生活環境和步調。不斷地開發才能造就淡水的繁榮與進步嗎？發展是為了誰的發展？誰的需要？淡水人的需要？觀光客的需要？還是財團、政客的需要？
不斷地開發，淡水人的生活步調，淡水人的空間記憶，淡水人的環境品質都已一去不返，吸引觀光客前來淡水的是新穎的建築和消費的熱潮？搬徙來淡水的人是為了關在大樓的房間裡觀賞山景和海景？車潮、人潮與錢潮就是發展與繁榮的唯一指標嗎？
20年前，淡海那片比淡水鬧區更大、更廣闊的樹林、田野被剷平的那一刻起，淡水就已經不是淡水人的淡水了，當高樓大廈一棟一棟地豎立了起來，當老街成為一堆沒淡水氣味的賣店，淡水還是淡水嗎？
──《TGB通訊》第180期(2014/9-10)
留言列表
