台灣組合

Piān-nā到「決戰ê關鍵」, ta̍k-ê to lóng ē顧慮「事後算siàu」(無論是內場iah外場), m̄-chiah ē jú來jú無人beh開路, 衝頭1 ê. Chit-má內場做頭ê壓力已經大kah接受採訪ê時, 講tio̍h學生安全tō目屎liàn--落-來.

24冬過--去-a, 台灣ê反對運動iáu kāng款停留tī「議會路線」kap「街頭路線」teh kà力, 增差tī統治者kap抗爭者, 雙方ê手段kap表面工夫lóng做kah koh-khah iù-lō͘. 簡單講, 統治者kā「吞忍」(boài回應, boài鎮壓) ê siáu鬼á殼, khah早ê老1輩mài講蔣經國, 連李登輝時代to lóng真正動手鎮壓, 統治者chiah-nī iù-lō͘ ê處理手路, 是ùi陳水扁時代開始--ê.

街頭抗爭者, beh衝ê「衝組」早tō老--ê老, chheh心--ê chheh心, 無人beh衝第1線。頂pái陳雲林ê圓山對chhiâng tō chiok明顯, 現場kui堆人chi̍t看tō知影是「衝組」--ê, m̄-koh tō是欠頭1 ê人第1 chhèng ê煽動.

Chiah ē chit-má ê學生抗議(連學運tō無算, 因為無平常時校內基層組織kap思想武裝, koh-khah免講學校之間ê聯合運作), tō kan-taⁿ ē-tàng利用「公民運動」來擴大參與面, 來衝人數, 拚氣魄! M̄-koh有chi̍t-kóa同學當然mā敢衝, 若無chit-pái mā無法度衝入去立法院.

「公民活動」一定有i ê作用, 踏出chit步總比bih tī厝內iah是新聞kap網路khah好. 嘉年華會式ê遊行sui-bóng真弱, m̄-koh同時mā hō͘ 統治者ê武裝hām心防弱化.

學生chit-má tī立法院內底keng-tiâu--leh mā是1 ê策略, 畢竟立法院m̄是siōng無對抗力頭ê自由廣場(野百合kap野草莓) iah是總統府頭前(紅衫軍). 統治者ê立法院hông佔領chit款屈辱, 全世界大概kan-taⁿ kiōng-beh亡國kap內亂ê所在chiah看ē tio̍h, iah是統治者像軟腳馬chit-pān--ê chiah吞忍ē落.

所以chit-pái先keng到後禮拜2, 也tō是國民黨早tō宣佈chit ê拜5 kap後禮拜2立法院停會ê期限. 國民黨內底ê強ngē派一定ē「擋bē-tiâu」, 時到tō看國民黨出招--lo͘h.

統治者是bē hō͘ chhùi-nōa tū--死-e, koh-khah bē hō͘ 網路頂ê『打卡』kap任何文章kiat-tó, káⁿ若無人beh chhōa頭「抗議」, ta̍k-ê拜2 chìn前iáu是去立法院現場支持chit場「公民活動」--lah. 

(2014/3/22寫)

每到「決戰關頭」，大家都會顧慮「秋後算帳」（不管是場內、場外），所以越來越沒有人要當頭開第一槍。現在場內當頭的已經壓力大到受訪時，談到學生安全時都落下眼淚了。 

24年過去了，台灣的反對運動還是一樣停留在「議會路線」及「街頭路線」的拉扯，只是統治者與抗爭者，雙方的手段及表面工夫都做得更細膩。簡單講，統治者戴上「忍住」（不回應、不鎮壓）的面具，以前的老一輩不要說小蔣，連李登輝時代都是真的鎮壓，統治者這麼細膩的處理手法是從阿扁時代開始的。 

而街頭抗爭者，要衝的「衝組」早就老的老，灰心的灰心，沒人要衝第一線。上次陳雲林的圓山對歭就是最明顯的例子，現場一堆人一看就知道是「衝組」的，但就是少了第一人第一槍的鼓動。 

所以現在的學生抗議（連學運都稱不上，因為沒有平時的校內基層組織及思想武裝，更不用說校際的聯合運作），也只好戴上「公民運動」的面具來擴大參與面，也就是衝人數，壯膽用！不過有些同學當然也敢衝，要不然這次也無法衝進立法院。 

「公民活動」一定有其作用，畢竟踏出一小步總比躲在家裡或是新聞及網路裡好。嘉年華會式的遊行雖然很弱，但同時也弱化了統治者的武裝及心防。 

學生現在在立法院內撐著也是一個策略，畢竟立法院不是最沒有衝撞力道的自由廣場（野百合及野草莓）或總統府前（紅衫軍）。統治者的立法院被占據這種恥辱，大概全世界只有快亡國及內亂的地方看得到，或是統治者像軟腳馬者才嚥得下這口氣。 

所以這次先撐到下週二，也就是國民黨早就宣布這週五及下週二立法院停會的期限。國民黨內的鷹派一定會「凍未條」，屆時就看國民黨出招了。 

統治者是不會被口水淹死的，更不用說被網路上的打卡及任何文章打敗，既然沒有人要帶頭「抗議」，大家週二前還是去立法院現場支持這場「公民活動」吧。 

(寫於2014/3/22)

──《TGB通訊》第176期(2014/5)