Tēⁿ Jî-gio̍k Bo̍k-su, (Pe̍h-oē-jī ê chiáng-mn̂g-jîn,chá-chêng bat tī Ka-gī, Pò͘-tē Tiúⁿ-ló Kàu-hoē hoē-bo̍k), tī 2000 nî-thâu, tī Ka-gī Tiong-hoē khui-pan, kó͘-bú Ka-gī tē-khu ê Tióng-chi̍p kap hoē-iú ē-tàng chū í-keng chin gâu tha̍k Pe̍h-oē-jī Sèng-keng, koh chài chìn chi̍t pō͘, ha̍k-si̍p Pe̍h-oē-jī ê siá-chok. Chū án-ne, chit pún Hái-kháu-lâng sió-kò͘-sū ê chok-chiá : Chhoà Sìn-tit Tiúⁿ-ló khai-sí ēng Pe̍h-oē-jī kì-lo̍k i chá-chêng gín-á sî-tāi tī Hó͘-boé-liâu só͘ thiaⁿ--tio̍h , só͘ khoàⁿ--koè, só͘ sńg--koè ê seng-oa̍h keng-giām. Tú khai-sí i sī tòng-chò liān-si̍p siá-chok, goá tú-hó sī khì tī kàu-sek tiong-kan saⁿ-kap thó-lūn, tàu siu-kái chok-gia̍p, chū án ne se̍k-sāi Chhoà Tiúⁿ-ló.

 

Kàu hiān-chāi ū chiâⁿ pah phiⁿ Chhoà Tiúⁿ-ló chin-chió hoat-piáu--koè. Goá bóng kap i chham-siông: lán chia̍h lāu--a, kā khan-khan--chhut-lâi, tòng-chò chi̍t-chióng kì-liām-bu̍t. Chhoà Tiúⁿ-ló seng kéng-soán 30 phiⁿ chhut chi̍t pún chò chhì-giām. Keng-koè Iûⁿ Ún-giân lāu-su tàu pang-bâng, pang-chān só͘-ū iú-koan chhut-pán ài hoa̍t-lo̍h ê tāi-chì. Taⁿ, chit pún chheh chiah ū thang hō͘ tāi-ke hun-hióng. Seng tī chia kā Iûⁿ lāu-su soeh kám-siā.

 

Max ū kiàn-gī koè Chhoà tiúⁿ-ló, kóng-khí lán iā m̄-sī ha̍k-chiá. Tan-sûn sī thâu chi̍t piàn chhut-pán, tòng-chò sī teh sńg tō hó. Tong-jiân Chhoà Tiúⁿ-ló Pe̍h-oē-jī í-keng chin láu-liān; tān-sī Tâi-gí sú-iōng Hàn-jī ê pō͘-hūn m̄-sī lán ê choan-tióng. Chi̍t pún chheh khó-lū khan Pe̍h-oē-jī, mā koh khan Tâi-gí Hàn-jī pán, án-ne thang kó͘-lē āu-1-poè--ê, nā ū hèng-chhù, nā jīm-tông án-choáⁿ tha̍k, án-choáⁿ kóng, tio̍h án-choáⁿ siá ê Pe̍h-oē-jī, chò-hoé lâi ha̍k-si̍p Pe̍h-oē-jī ê siá-chok. Só͘-í chheh lāi-té Hàn-jī nā-sī iōng ha̍k-su̍t ê koan-tiám lâi khoàⁿ ū m̄-tio̍h ê só͘-chāi , chiah chhiáⁿ tho̍k-chiá goân-liōng, m̄-bián ūi-tio̍h che, soah m̄-káⁿ kā chit 30 phiⁿ pó-kùi ê kì-liām-phín chhut-pán. Án-ne tio̍h chin phah-sńg.

 

Í-siōng kán-tan pò-kò, koan-hē chheh lāi-bīn, nā-sī ū chhò-gō͘, m̄-tio̍h ê só͘-chāi, iah-sī tùi Pe̍h-oē-jī ū ì-kiàn--ê, chhiáⁿ kò-ūi sian-chìn, ha̍k-seng siá E-Mail lâi chí-kàu.

 

鄭兒玉牧師, (白話字ê掌門人,早前bat 嘉義, 布袋長老教會會牧), 2000年頭,嘉義中會開班, 鼓舞嘉義地區ê長執kap會友會當自已經真gâu讀白話字ê聖經, koh再進一步,學習白話字ê寫作. 自按呢, 這本海口人小故事ê作者: 蔡信得長老開始用白話字記錄i早前囝仔時代虎尾寮所聽著, 所看過, sńgê生活經驗. Tú開始是當作練習寫作, 好是去教室中間saⁿ-kap討論, 鬥修改作業, 自按呢熟識蔡長老. 

 

到現在有成百版篇蔡長老真少發表過.bóng kap i參詳: 咱食老--a, kā刊刊出來, 當作一種紀念物. 蔡長老先檢選30篇出一本做試驗. 經過楊允言老師鬥幫忙, 幫贊所有有關出版發落ê代誌.Taⁿ, 這本冊chiah有通乎大家分享. tī chia楊老師說感謝. 

 

Max有建議過蔡長老, 講起咱也是學者. 單純是頭一遍出版, 當作是teh sńg就好. 當然蔡長老白話字已經真老練; 但是台語使用漢字ê部份是咱ê專長. 這本冊考慮刊白話字, mā koh刊台語漢字版, 按呢通鼓勵後1--ê, 若有興趣, 若認同按怎讀, 按怎講, 著按怎寫ê白話字, 做伙來學習白話字ê寫作. 所以冊內底漢字若是用學術ê觀點來看有ê所在,chiah請讀者原諒,免為著che, soah m̄30篇寶貴ê紀念品出版. 按呢著真拍損. 

 

以上簡單報告, 關係冊內面, 若是有錯誤,m̄ê所在, ia̍h是對白話字有意見--ê, 請各位先進, 學生寫E-Mail來指教. 

 

筆者, 蔡信得長老: haikhaulang@gmail.com

 

工作人員, 盧永芳: maxsenior@gmail.com

 

 

《海口人ê小故事》, 作者: 蔡信得, 台語左社出版Beh買冊, 學生價100 kho͘, 大人價150 kho͘, 1~2, 7-11郵便費88 kho͘讀者自費, 3本以上郵便費作者ka-tī負擔一般冊店無通路, 買冊請tī Facebook chhōe「海口人e小故事」chù-bûn, iahemail hō͘ Max Lô͘: maxsenior@gmail.com, 個別通知劃撥口座, 撥款納冊錢kap郵資費了後, tō ùi 7-11寄冊出--.

 

海口人e故事  

 

──《TGB通訊》第163期(2013/4)

 

 

 

arrow
arrow
    全站熱搜

    台灣組合 發表在 痞客邦 留言(0) 人氣()