目前分類:筆記 (62)

瀏覽方式: 標題列表 簡短摘要

親愛的孩子,有一位阿姨,她是紀錄片導演,在她影像紀錄921大地震時,作了一個夢,夢見一位老阿嬤抱著她的孫子像是在求救,這個夢在十年後發生了,這位導演阿姨在莫拉克風災時看見她的夢境成真,因此她繼續用影像紀錄關於台灣山林的被開發、被破壞的歷史。

 

5歲的孩子懂得多少呢?其實他們體會到的比我們想像的多。你可以說這是大人價值觀的影響,當然!我們想傳承給孩子的當然是我們在乎的價值,關於原住民的生活智慧,關於祖先生存與鬥爭的過往,關於台灣反殖民的歷史,關於和大自然共生共存的想望,都是我想要帶孩子一步步去認識和體驗的。

 

看著片中一直砍伐森林樹木以及近年重大自然災害的影像,孩子說他不要再看了。看著與大表哥同校的那瑪夏(Cannacannavo)大哥哥訴說莫拉克風災前後的族人關係並落淚時,孩子也躲進我懷裡幾乎快哭了。這部紀錄片對5歲小孩來說太血淋淋了,殘酷的現實。

 

中國國民黨的教育讓我們知道台灣山林開發始於日治時期,然而我們從學校教育不知道的是,日本統治時期基於能長久取用/掠奪的考量,先做了扎實的調查,再劃分保安林、水源林、母樹林、雜木林等,砍伐取用雜木林的同時也須植木以利能長久取用。然而接替的另一個外來殖民政權來到後,眼中每棵大樹都是錢,無分類的砍伐殆盡,連樹頭/樹根也拔起,接著人為變更林相,更是導致之後大自然反撲的最後一根稻草。

 

片中陳玉峯訴說每當地震颱風後便可在山谷溪澗間發現滿佈的紅檜幼苗,「就像女媧補天,土地就是紅檜來補!」陳玉峯同時提出,只有當台灣人不再將地震或颱風當作災難時,才能有真正的生態文化,「本土文化不是對抗災難,而是與災難一起成長。」

 

台灣組合 發表在 痞客邦 留言(0) 人氣()

á日真享受.

 

9月底以來第1 pái真正thang hioh-khùn ê禮拜時á, 換到siōng sù-sī ê hioh-khùn日生活模式: khùn到自然醒,1 au咖啡, 讀已經買有1段時間ê, 放送真久無聽ê音樂, Jean Sibelius êFinlandiakap Bedřich SmetanaMá vlast,kui, hoān-sè是對Finland kap Česko ê歷史hām風土民情了解無chē,oh有感動, 發現góa真正無適合聽symphony.

 

66號公路〉是吳定謙hām朋友駛車ùi California ê Santa MonicaIllinois ê Chicago,hit chōa hông號做美國母親êê 66號公路ê旅行記錄. 66號公路lóng總有3,940 khí-lo͘h hiah-nī, 19世紀尾期êiáu是馬車行ê土沙路, 1927年美國政府kā 1 chat 1 chat ê路接---, 二次大戰了後〈州際公路法案〉通過, koh khoah kohkohê州際公路替代順地形開通, 起起落落, 彎來oatê 66號公路, 美國政府mā tī 1985kā chit chōa公路ùi公路地圖--nih hú.

 

Chit chōa有美國精神koh有歷史意義ê公路, 透過熱心者êchông, 所經過ê 8 ê州政府tàu-tīn kā pháiⁿê路修理好勢, hō͘ chit chōa 66號公路重新tńg來到美國人êtì--nih, koh chiâⁿiáu算時行ê公路旅行朝聖路線.

 

Tī khoah-bóng-bóng ê大沙埔地--nih, 1台車單獨駛緊起起落落ê--nih ê畫面, kan-taⁿ tī美國Hollywood ê電影ē出現, 感受--tio̍h-ê, 除去駛緊ê刺激, koh有孤單, chheⁿ-chhìn, 對人生有新ê開始ê期待, tī台灣真ohchit款體驗.

 

台灣組合 發表在 痞客邦 留言(0) 人氣()

Loonng是台語文運動ê工作者, mā是學生台灣語文促進會創辦者, 對台灣獨立建國運動, 大部分人kan-tāⁿ注重政治面ê問題, m̄-koh Loonng ùi文化面觀察, 認為台灣beh真正chiâⁿ 1個新國家, 一定ài chhui-sak徹底『去中國化』ê「脫華運動」, i投入台語文運動ê重要思考.

 

---來是訪問ê記錄:

 

: Líán-chóaⁿ投入運動--ê?

 

: Góa tī學生時代參與學運, hit-chūn góa開始思考siáⁿ-mih是國家機器, soah發覺國家機器是騙---ê. 對中華民國體制, ùi相信到懷疑ê過程, góa想真chēlóng有這種經驗.

 

Góa是交大台研社--ê. Hit-chūn三月學運tú-á結束, 對學運ê發生kap被背叛, 學生校園內底lóng會討論--tio̍h. Góa知影體制是騙---ê, 老賊落台, 國會全面改選是本底應該--ê, m̄-koh體制soah講『法統必須維持』! Teh kap同學朋友討論內底, 台灣人主體性ê立場kap台獨意識 án-ne慢慢產生.

 

台灣組合 發表在 痞客邦 留言(0) 人氣()

松哥(賴青松), 大學時代是成大台語社成員. I是讀環境工程--ê, 出業了後, bat tī宜蘭三星森林小學, 台灣生態研究中心kap「主婦聯盟~綠主張共同購買中心」做過kang-khòe1995年去日本生活俱樂部生活協同組合「消費合作社」連合會研修, 一直1線實踐, 接近土地kap人民. Tiām-tiāmleh kap i開講, 感受--是真深ê人文關懷. 1-chām-á tī台灣吵kahphut-phut ê《台灣論》, 前半段就是i翻譯--ê.

 

---來是訪問ê記錄:

 

: 你自大學就參加母語kap環保ê社團, kóa經驗hō͘siáⁿ-mih款影響?

 

: 我本底對族群問題就真敏感.

 

這個體制統治下, lán ê母語hông禁止, 資源ê分配kohhiah-nī chē, 看著這種無公平ê現象, kám有可能bē siūⁿ-khì?

 

台灣組合 發表在 痞客邦 留言(0) 人氣()

講述: 楊月霞(cha-bó͘, 49), 中山醫專出業, 職業: 書記

☆語言: Hō-ló

☆時間: 2001/12/30

☆地點: 彰化溪湖鎮太平街137, 講者khiā

☆來源: 聽姊姊講--ê

☆採錄: 杜宏禮

☆轉錄整理: 杜宏禮

 

Gōng kiáⁿ婿hō͘ in丈人請, in bó͘kā i, chit-má人若the̍h siáⁿ mi̍h-kiāⁿ hō͘--lí, lí tio̍h-ài kâng講「謝謝!I謝謝, chiok--. 行到1條水溝ê所在, Î-i̍h!I soah bē記得in bó͘ kā i交帶siáⁿ-mih? --lo͘h, i想講到底是siáⁿ-mih mi̍h-kiāⁿ pháng--, soah choaⁿ-á tī hia一直chhōe一直chhōe, 結果1個人就問講你teh chhōe siáⁿ? I就講góa若知iáⁿkā lí--a! Góa mā m̄tiàm chia chhōe--a!

 

台灣組合 發表在 痞客邦 留言(0) 人氣()

講述: 杜賜聰(cha-po͘, 55), 大同工學院出業, seng-lí

☆語言: Hō-ló

☆時間: 2001/12/30

☆地點: 彰化溪湖鎮太平街137, 講者khiā

☆來源: 細漢e時聽--

☆採錄: 杜宏禮

☆轉錄整理: 杜宏禮

 

因為gōng kiáⁿ婿gōng-gōng--á, in he bó͘ in丈人á做生日, ta̍k-ê lóng beh tńg--去,tńghō͘ in丈人á, 結果in bó͘驚講gōng kiáⁿ婿gōng gōng, chit-máhông請若烏白講話是beh án-chóaⁿ? 會漏khùi neh. I beh tńg--chìn, kā gōng kiáⁿ婿講:「你若tńg去到hia 食飯êchūn, ê khakapê kha骨結1soh-á, 我若你抽1下你chiahsái1, 我無抽, 你就tiām-tiām-á. Beh hō͘人感覺in he gōng kiáⁿ婿chiok古意--ê, gōng kiáⁿ婿就講好.

 

台灣組合 發表在 痞客邦 留言(0) 人氣()

2001年後學期góan社團(花師台語文社) àn-sǹg beh訪問1-kóa花蓮在地ê社運工作者, 寶珠老師是第1 ê拜訪ê對象. 325, 出日頭ê e-po͘á, góan tī環保聯盟花蓮分會ê辦公室, 用布cha̍hê房間內底, ná聽寶珠老師講i參與花蓮環保運動ê過程, nái準備ê『幻燈片』.

 

寶珠老師tī 1992tńg來花蓮, tú開始差不多有年半ê時間, lóng teh做花蓮人文方面ê田野調查. I本身是Hak-ngìn, 田野調查主要針對in家族ê移民歷史, Hak-ngìn tī花蓮開墾ê過程, á ê意義kap原住民文化. Tī調查ê過程內底, i mā發現in本底tòa tī苗栗南庄附近, --nih是種甘蔗--ê, --á因為大雨ê關係, 收成變bái, 尾手聽講花蓮ê土地真肥, tī 1910hit kha-ta̍h-ásóa來花蓮, chit-má mā90--a. Éngùi China來到台灣, 有所謂ê「渡台限制」, ài羅漢腳á chiah有法tō͘來台灣開墾發展, 因為án-ne, 寶珠老師認為ka-tī hōan-sè mālāmKatagelan ê血統, 你若第1 kái看著--i, 穩當會lia̍hi是原住民.

 

1993, 寶珠老師加入環保聯盟, i ê觀點ùi人文方面, 1步提升到探討環境開發對kui ê原住民傳統文化ê衝擊kap影響. Ē-khai參與花蓮ê環保運動chiah chē, 對花蓮ê發展影響環境hām原住民傳統文化ê看法:

 

Pangchah----

 

美崙áéng過是Pangchah祖靈ê, in ê傳說講khah早有1 ê叫做Alikaikai êsian, i會食Pangchah ê, kohchau-that in ê cha-bó͘, 落尾in發現1種植物會sái kāsian人趕走, he就是koaⁿ-bang, inkā 5ê koaⁿ-bang縛縛--leh, the̍h來嚇驚Alikaikai, Alikaikai chiah投降, án-ne, chit ê所在變chiâⁿ in祖靈ê. Koh來日據時代, 國民黨ê『退輔會』lóng battī chia, 因為chit tah地勢khah kôan, sái看著海hām花蓮市, 1 ê chiok重要ê戰略所在.

 

台灣組合 發表在 痞客邦 留言(0) 人氣()

林修澈有1篇文章──〈民族文學VS國家文學〉, àn i ê標題是beh探討台灣ê民間文學, 來討論民族文學hām國家文學ê問題, siāngkoh giú tńg來講台灣文學beh án-chóaⁿ認定.

 

Tāi-seng, sáⁿ-mih是民族文學? I kā pun2, khah嚴格ê標準是講文章ài反映hit-ê民族ê社會生活, hit-ê民族ê語文創作, kohhit-ê民族ê作家來創作ê文學作品, che chiah算是民族文學. 另外, khah lēng ê講法是: chió數民族作家ê作品, 無論kám有反映hit-ê民族ê社會生活, mā無論kám是用本民族ê語言文字來創作, lóngēng算是本民族文學. Tī情形下, lánsái歸納出認定民族文學ê標準有3: 語言, 內容hām作者ê民族身份.

 

我認為, 「用台語寫--êchiah算是台灣文學. 內容hām民族身份應該無hiah重要. 若是用台語寫美國人ê生活, 就算是ùi台灣人ê價值觀出發. 民族身份ê問題, 我認為, tīê性別會tàng自由選擇ê時代, 民族身份kāng款會tàng hō͘(hiō)天來kéng.

 

Tī chia, 台語是指Hō-ló, Hak-fa kap原住民各族語, kā China話算在內, 因為台語chiah是台灣ê文化語. Siáⁿ-hòe是文化語? 就是講土地teh生活, thòaⁿ ê chit-tīn, in生活經驗ê傳承hāmkhang-khòe ê用語. Inbóng聽有China, m̄-kohkhang-khòe ah是開講lóng講台語, beh了解in ê文化內涵, kan-taⁿtàng透過台語.

 

beh描寫chiah-ê故事, mā tio̍h-ài講台語, ài用台文寫, án-ne chiahsêng台灣文學ah是台灣齣(nah tio̍h特別講che是鄉土劇ah是鄉土文學?).電視若做日本齣, tio̍h日本討海人ê生活, 設使配英語, kám m̄kài奇怪? 『艾蜜利的異想世界』若講Chinakám m̄oan-na怪怪? Tī台灣, 無論lí behsáⁿ-mih, tio̍h講台語chiah會接近現實, kám m̄? Che其實是kài簡單ê想法, m̄-koh台灣就?

 

台灣組合 發表在 痞客邦 留言(0) 人氣()

Siáⁿ-mih是統治

 

1 ê政權beh án-chóaⁿ有效統治? Che m̄-tāⁿ是政治學ê基本問題, mā是台灣ài面對ê現實問題. 一般來講, 1 ê政權(尤其是外來ê政權) beh統治1 ê地區, 軍事ê暴力鎮壓kap壟斷是第1, ---來就是建立政治kap行政部門.

 

1 ê外來殖民政權來講, 軍事統治鞏固了後, 完成經濟壟斷體制(殖民性質ê經濟體制)mā chiâⁿ要緊ê khang-khòe. Koh, siōng長遠mā siōng要緊ê khang-khòe, 就是文化kap意識方面被統治者洗腦, hō͘ in甘願接受統治.

 

政權ê本質是「合法ê暴力壟斷集團」, m̄-kohbeh有效koh長期做統治, 有形ê暴力siōng有效ê工具. Siōngê方式是: kā被統治者對暴力ê驚惶, 轉做心理kap意識上同意hông統治. án-ne來看, 統治ê mê-kak, bē-tàng kan-taⁿ khiā tī民間社會(civil society)kôan, 不時kek kah pháiⁿ-chhèng-chhèng; 統治集團已經變被統治者會tàng--tio̍h, --tio̍h ê任何mi̍h-kiāⁿ--a.

 

Án-ne--, 政權是古早時hit種君王, i是「現代君王」. Gramscitio̍h政黨ah是政權ê角色êchūn, i án-ne:

 

台灣組合 發表在 痞客邦 留言(0) 人氣()

627~30, tī台北臭頭á埔「國家戲劇院」, 明華園歌á戲團連續4工演出《鴨母王》chit齣戲.

 

Chit齣戲『引用300年前台灣傳奇人物朱一貴為創作元素, 宏觀地跨越族群與種族, 描寫一段浪漫愛情故事』(2002.06.27台灣日報22); 民生報ê報導講, chit齣戲內底, 朱一貴分別愛tio̍h Hak-ngìn(客人) hām外省cha-bó͘ (官老爺ê cha-bó͘-kiáⁿ), che來『象徵』台灣ê族群融合.

明華園一直是台灣社會認定ê「本土化」代表, 真受社會大眾歡迎, 媒體mā tiāⁿ-tiāⁿ報導in ê公演, tī tng teh重頭走chhōe歷史hām文化主體ê chit-chūn, inchiâⁿ重要ê社會責任. M̄-koh chit齣戲劇本實在寫kah siuⁿ hàm, m̄-tāⁿ無借機會hō͘ lán利用歷史ê教示, chhiâu-chhek lán ê出路, 顛倒koh真粗魯teh扭曲歷史發展ê事實.

 

朱一貴「造反」, 是「官激(kek)民反」! 根據統計, 1683~1729, 台灣人納hō͘官府ê田租, 普遍比中國各地加3. Hit-chūn會為tio̍h生存, 偷渡來台灣--ê, 大部份是羅漢kha-á, in tī中國活--, chiah tio̍hchiachhōe生路, hō͘官府逼kah走無路, 「人lia̍h, 厝拆, áá lia̍h kah無半隻」, nah會甘願冒「thâi頭」ê危險造反--leh? 明華園soah用真輕鬆ê態度講:『朱一貴這個角色人物也許是想要抓住機會, 找到新方向, 不過他忽略了人性畢竟還是有貪念存在, 他夢想世界大同人人平等, 但並非每個人都如他一樣天真, 所以他也會有無能為力的感嘆, 這又跟現代台灣人的心境頗為類似.(台灣日報)

 

清國ùi統治台灣開始, 就海禁190(1684~1874), hông允准來台灣--ê, mā bē-tàng chhōa家屬來, kapmā kāng, in ê家屬ài原籍做人質, 避免in tī台灣「獨立」, 1776, 官員chiahtàng chhōa家屬來, 平民一直到1788chiah開放. 朱一貴造反是1722ê tāi-chì, i beh nah tútio̍h官老爺ê cha-bó͘-kiáⁿ?

 

Hit-chūn有「渡台限制」, mā禁止chhōa cha-bó͘人來台灣, 會離開故鄉來chia--ê, chiâⁿ chē是無bó͘無猴, 有路無厝ê羅漢kha-á, koh tio̍h冒險渡過烏水溝, 631回頭」. 免看統計數字, sió-khóa有台灣史概念--ê lóngiáⁿ, hit-chūnHō-ló cha-bó͘都真罕見--a, 朱一貴beh toh chhōe Hak-ngìn cha-bó͘? 若講tú tio̍h平埔cha-bó͘ mā khah bē hau-siâu!

台灣組合 發表在 痞客邦 留言(0) 人氣()

世界ùi有文明kap歷史開始, 人就分做「cha-po͘kapcha-bó͘; 平平是「人」, m̄-koh cha-bó͘kap cha-po͘ê運命soah差真chē. 西方ê女性運動者Simone de Beauvoir tī i ê冊《Le deuxieme sexe》內底, 開頭就講:Cha-bó͘是生---來就是cha-bó͘, ta̍uh-ta̍uh-á變做cha-bó͘--ê.」講破自古早以來cha-bó͘ê形象hām價值hō͘社會體制束縛ê事實. 特別是父權權威ê社會, cha-bó͘人是cha-po͘人觀點ē-kha弱勢ê代表, 面對--ê1種『次等』『附屬』ê地位.

 

Lán台灣社會1 ê標準父權為主ê社會, ta̍k-kang媒體講--ê, 學校課本教--ê, á頭不時會看--tio̍h-ê, 若斟酌注意, 會發現內底有真chēcha-bó͘人無公平hām phìⁿ-siùⁿ ê所在. 父權社會用cha-po͘ê權力運作媒體, cha-po͘ê思考建立文化, 表面上看---, lán是真自由koh真民主ê國家, m̄-koh cha-bó͘ê身體kap主體性tī chia soah無得tio̍h tháu-pàng, mā無受tio̍h尊重.

 

以生活經驗來講, góa本身真bē kah意聽tio̍h cha-po͘chhoh-kàn-la̍k-kiāu, m̄管是kúi-ê, ta̍k-pái若聽--tio̍h, kui-êlóng chiâⁿ ngāi-gio̍h, 心內除了無爽快, māsiūⁿ-khì ê情緒. M̄cha-po͘人是án-chóaⁿ一定àichit款語詞來表示in ê心情? 用侮辱女性ê語詞來消tháu ka-tī ê情緒kámkhah? 語言ê使用往往牽涉tio̍h權力ê運作, cha-po͘生活層面無意識慣勢講ê, inê, 已經展現出in kap chit-ê社會對cha-bó͘ê無尊重.

 

1-chām-á, góatio̍h是作家是女權運動者ê江文瑜寫ê詩『女人‧三字經‧行動短劇』(詩集《男人的乳頭》), i kā「三字經」khǹg入去詩內底, koh kāpéng, 諷刺用粗魯話侮辱cha-bó͘ê男性威權, 徹底『顛覆』女性一再hông壓迫ê角色.

 

影片《絕代寵妓》內底, mā有真值得探討ê女性議題. Cha-bó͘知識, 權力hām經濟各方面ê限制; cha-bó͘ê身體自主ah是「情慾獨立」; cha-bó͘the̍h tio̍h地位kap權力了後, cha-pó͘人造chiâⁿ ê不安kap驚惶, beh kā排除ê反應; koh有女性『自我救贖』ê部份......lóng是會sái hō͘ cha-po͘kap cha-bó͘人共同來討論ê問題.

 

台灣組合 發表在 痞客邦 留言(0) 人氣()

過身ê政治犯sianpai柯旗化先生有寫1本冊──《台灣監獄島》, 冊內底講, hō͘ China人管ê台灣社會, 像活監獄內底, 免講人性免講法律, 權力者khi-mó͘-chih sió-khóa bē tú, ê性命kap自由sûi時會無--.

 

白色恐怖ê時代過---a, góa無法tō͘完全體會柯---ê經驗, m̄-koh成長過程--nih, lán社會反人性ê奴隸教育, góa ê感觸真深. 今年TGB tī新竹聖經學院辦幹部訓練, kāng時間有其他營隊, in ê氣氛hō͘ góan chiâⁿbē tiâu.

 

In ê學員chiah國校á niâ, tàu tú到位就t„大門外口ê埕「pha̍k日頭」, tiām-tiām聽『值星官』hoah-hiu, sió-khóa tín--1-ê, sûihông pháiⁿsàu; 食飯時間, á kan-taⁿtàng1/3, 『值星官』無hoah開動, 連箸都bē-tàng kha̍p--tio̍h; 飯若食無chheng-khì, sûi有放送頭耳孔邊chhoh, koh tio̍h邊罰khiā; 洗身軀ài kui小組集體去洗, 10分鐘內ài洗好, 若無, ngē hông---......

 

Che是軍營ahhō͘ gín-á chhit-thô ê營隊? TGB營隊ê Tōa-éng (Belgian比利時人, pē母是台灣人, i ê Hō-ló話比華語khah liàn-tńg), tio̍h in用放送頭kä hiah-ê gín-á hoah-hiu, chiok Surprise--ê, 一直kā góan, tī歐洲, 對動物á chiah會用放送頭, lín台灣nahán-ne對待gín-á......

 

teh講道理--ê, teh hiù-siâu人權--ê, 是工場? 是軍隊? 是監獄? Ahteh對待奴隸?

 

台灣組合 發表在 痞客邦 留言(0) 人氣()

陳建志, chit-má是綠色公民行動聯盟(綠盟) ê成員. 大學時代參與淡江大學環境生態社創社, án-ne 11chiâⁿ做環保運動ê工作者. Ùi大學開始, i就投入環保運動ê事工, 一直kap基層khiā做夥, tiām-tiām teh實踐理念. 訪談過程, itio̍hchē參與ê事件, mātio̍h運動本身ài自我挑戰kap調整, chiah有才tiāu繼續chhui-sak進步ê理念, hō͘社會koh khah進步.

 

---來是訪問ê記錄:

 

: Lítú-tio̍h siáⁿ-mih機會, chiah開始參與運動--ê?

 

: Góa到淡江讀冊ê, 本底是參加親誠團(服務性社團), chit-ê社團有1-ê慣勢, 參加3(1學期算1)就算『修成正果』. 2á頂學期結束, góa就算參加3--a, tehkohbeh chhòng siáⁿ?

 

Hit-chūn淡江iáu-bōe有學生會, teh負責學生權益--ê koh是活動中心. 活動中心有環保工作室, 2á後學期(9010--) góa就走去參加.

 

台灣組合 發表在 痞客邦 留言(0) 人氣()

Tek-hôa, Noya, Thài-thèu:

 

Lín ê bûn-chiuⁿ góa khòaⁿ-liáu chin hoaⁿ-hí, siá-liáu chin-hó. Góa tī tiong-ha̍k kà-chheh 6 tang ê siōng-tòa kám-sióng chiū-sī„:

 

Sin-ûi 1 ê "ROC" ê ki-chân kàu-su, tōa-to-sò͘ ê sî-kan sī teh chòe "put-tòng, chhò-gō͘ ê kàu-io̍k chèng-chhek ê『幫兇, 劊子手』"; sin-ûi 1 ê Tâi-ôan ê ki-chân lāu-su sî-siông ài "sim-koaⁿ lia̍h thán-hôaiⁿ, chhài-pō͘ ka khah kiâm", nā-bô, tiō ē sî-siông khòaⁿ-tio̍h ka-kī ê "pi-phí" kap "nńg-chiáⁿ".

 

M̄-kuh hō͘ góa kēng-ka kòa-ì ê sī: "ROC" ê lāu-su, in tōa-to-sò͘ lóng sóan-tek kè-sio̍k chòe chit-ê "ló-chhó put-liông ê kàu-io̍k chèng-chhek ê pōe-su-chiá kap chi̍p-hêng-chiá", it-ti̍t kàu in sí ûi-chí, in-ūi "ROC" ê chèng-hú kòe-khì it-ti̍t lóng hō͘ in『分贓』『分紅』. Che sī in Tiong-kok-lâng it-ti̍t ê『優良文化』.

 

Góa ê ǹg-bāng:

 

台灣組合 發表在 痞客邦 留言(0) 人氣()

商品化ê台灣意識

 

自「台灣意識」透過選舉宣傳了後, 就變做商品hō͘hoah. 中國人嘴講台語, phah賣「台灣意識」, 政策頂kôan用全球化打壓台灣文化, 用「族群和諧」ê名義控制台語ê使用. Chit-má人學英語比學台語khah chē, 講北京話ê場合比台語khah chē; kan-taⁿ中國人講台語êchūn chiah是「多元文化」, lán若講台語就是「製造族群衝突」.

 

Beh án-chóaⁿ救「台灣意識」? 緊來提倡讀台灣史! 培養歷史感chiahtàng救商品化ê「台灣意識」, 中國人siōng驚台灣人讀台灣史--a! 中國人一直叫lán ài行出悲情, án-ne in chiahsái phah賣無歷史感ê「台灣意識」. 有歷史感ê台灣人chiah會體會悲情, 團結做「命運共同體」. 無歷史ê人是孤鳥, 11hō͘lia̍hthâi.

 

──TGB通訊》39(2002/12)



台灣組合 發表在 痞客邦 留言(0) 人氣()

Siáⁿê台灣

 

民進黨執政已經beh 3--a, siáⁿ人統治台灣愈來愈明顯--a. 李登輝時代ê「新台灣人」意識hō͘中國人當做商品teh hoah, 中國人若講台語就是「愛台灣」, 台灣人若講台語就是「Hō-ló沙文主義」; 台灣人若講1, 中國人ê媒體就批評kúi 10. Siáⁿ人統治台灣? Mài講台灣人出頭天--a.

 

台灣人ê中國情結

 

Ta̍k-ê lóng看會tio̍h, 中國人chit-má teh收成統治台灣50 kúiê成果.「中國民族」ê意識透過軍隊, 警察, 公務員kap教師ê運作, chit-má猶原teh統治台灣人. A. Gramsci ê話來講,「文化霸權」猶原掌握中國人手頭.

 

Ta̍k-ê lóng感受會tio̍h, chit kúi冬來媒體ê「暴力」侵入. 中國人借用媒體, 來發揮奸巧ê種族主義, hō͘台灣人認為中國人是優秀--ê, 台灣人是無水準--ê. Siáⁿ-mih媒體是第4, siáu--ê!

 

台灣組合 發表在 痞客邦 留言(0) 人氣()

Tī 2~3百年前, 教育無親像chit-má chiah-nī普遍, 言論自由ê風氣無時行, 若講tio̍h hit-ê時代, 連科學研究ê發表kiám-chhái lóng會有危險, m̄-koh tī hitchūn ê Hu-lán-se (Francais)哲學家Bo͘-lú-thé-leh (Voltaire, F. Arouet) bat講過1句話:Góabóng無贊成 lí ê看法, m̄-koh góa拚死mā beh維護 講話ê權利.Lán chit-má生活t„ kúi-ā百年後ê開放社會內底, koh再有人因為言論發表來hông蹧躂--a, koh再加上教育ê chhui-sak, ta̍k-êlóng koh khah有才tiāu thang好思考kap發表ka-tī ê意見, m̄-koh Bo͘-lú-thé-leh大概想lóngkong, tī chitê環境內底, 有法tō͘講出ka-tī ê意見, koh講有道理ê, 無的確soah顛倒無 i phoe--ê hiah-nī chē.

 

Lán言論ê傳播比phēng1-ê市場, án-ne市場內應該是有各樣ê言論商品teh hoah, 隨人tio̍h-ài用隨人ê理性來去分析kap判斷, 決定beh接納iah是拒絕無kâng ê意見, tī 1-ê公開ê市場內底, seng-lí--ê kap交關ê人若話講hō͘, 自然就驚死豬á肉吊kôan.

 

--lán若斟酌chit-ê市場chit-má ê運作, 就會發見好貨罕得有人teh, mā罕得有人beh, tò-tńghiah-ê a-sap-put-luh--ê, soah搶市搶kah hō͘-tēng kiōng-beh hônglám--loeh. 講來講去, 根本ê起致恐驚是chit-ê「言論市場」內底, batê買貨人已經ná oh chhōe--a.

 

án-chóaⁿ lán teh-beh chhōebatê--a-leh? 除了人心內底kiám-chhái iáu有過去政治戒嚴ê烏影, hō͘人驚講出頭就損角以外, chit-ê時代對siáⁿ-mih tāi-chì lóng tio̍hjiok速度ê hit款速食文化, hām「後現代」hit款斷裂無chiâu-chn̂g ê思考方式, 應該是siōngê因端.

 

Tī chit-ê情形內底, màibeh維護別人講話ê權利--a, chiâⁿ chē人根底連ka-tī ê kha步都khiāsiá會在--leh, in相信siáⁿ-mih, koh是為tio̍h siáⁿ-mih, ke̍k-ke是人hoah tòe leh hoah niā-tiāⁿ, chekài-sêng sì-kòe滿滿是êhangkah(hamburger) kāng, the̍h--來隨吞食落腹, 無愛去操煩料理ê tāi-chì, 去食tio̍h sián māteh致意.

 

台灣組合 發表在 痞客邦 留言(0) 人氣()

Kong-long...kong-long...kong-long......」雖bóng是自強號, m̄-koh東部線--ê bē-su老牛teh拖車--leh, ta̍uh-ta̍uh-á sô, ta̍uh-ta̍uh-á thuh. Kiám-chhái是山路, 路線無像西部線--ê hiah, chiahán-ne behtōng-hàiⁿ.

 

Sìm--leh sìm--leh, tiuⁿ-tî ta̍k-ê lóng khùn---a.「礁溪, 礁溪到--a.Chhoah 1 ē cheng-sîn---. Góan m̄是來洗溫泉--ê, 1chiahgóan ê目的, 漢名叫做「宜蘭」, á名號做「Kavalan, 是平埔族「Kavalan」本chiâⁿ khiā ê所在, 300冬前, 漢人走--, in ê田園, thâi in ê bó͘-kiáⁿ, inkoh再逃, 到尾--á chiah tī花蓮停khùn---, chit款悲慘ê運命, 有漢姓姓「偕」ê後代teh phah, 到最近chiah ta̍uh-ta̍uh-á hông注意--tio̍h.

 

Chit-chōa góanchia, behchhōe 1 ê ta̍k-êsiáⁿ會注意--tio̍h ê所在----慈林(Chû-nâ)基金會.

「宜蘭, 宜蘭到--a.Khabang phaāiⁿ--leh行出車頭, 車頭正對面hn̄g-hn̄g hia, kúi-nā粒山重重tha̍h-tha̍h, kôan真青翠. 宜蘭chia出大炎日, hām台北溼溼冷冷ê kôaⁿ--人氣味chiám然無kâng, tī chia, 春天ê khaná óa.

 

3冬前第1 piàn來參加慈林基金會辦ê青年營, 2001有來, chit-piàn是青年營ê同窗會.

 

日頭炎, Gî-chēng hoah beh買帽á, 4-kho͘-liàn-tńg se̍h kui-po͘chhōe無店頭, tng teh giau, Gî-hūi chiah:「宜蘭taⁿ-á1間百貨公司, 宜蘭就是súi tī chia, beh se̍h百貨公司, 台北chē kah that tó, nah tio̍hchia?」講--ê mā tio̍h, 宜蘭就是保持原味, m̄-chiah hông chiah-nī欣賞.

台灣組合 發表在 痞客邦 留言(0) 人氣()

Góa khòaⁿ Malcolm X / Gî-lîn

 

*Malcolm X hām siā-hōe ê tùi-ōe:

 

Siàu-liân-sî ê Malcolm, chhēng-chhah lóng siūⁿ beh hām Pe̍h-lâng kāng-khóan, i kā thâu-mn̂g tiān hō͘ ti̍t, in-ūi pe̍h-sek ê sè-kài tùi o͘-lâng lâi kóng sī siōng-liû siā-hēe, bô-lün Malcolm jōa phah-piàⁿ, Pe̍h-lâng iû-gôan kiò i "o͘-kúi". Tī Bí-kok siā-hōe niú-khiok ê kè-ta̍t-koan--nih, pe̍h-sek tō-sī "chú-liû", chit-ê pēⁿ-thài ê Pe̍h-lâng siā-hōe, sī siàu-liân-sî ê Malcolm tui-kiû--ê, Malcolm hit-chün bô siūⁿ-tio̍h ē-tàng phah-phòa chit-ê kè-ta̍t-koan, kan-taⁿ siūⁿ beh iûⁿ--ji̍p-khì.

 

Malcolm ū 1 pái chò-chha̍t hō͘ kèng-chhat lia̍h khì koaiⁿ, tī kaⁿ-ga̍k lāi-té, i tú-tio̍h kái-piàn i kè-ta̍t-koan ê lâng, hit-ê lâng iōng chong-kàu chò pau-chong, Malcolm koat-tēng bòai kè-sio̍k bô͘-hóng Pe̍h-lâng, i khai-sí liáu-kái『有色人種』m̄-s„ hông chiù-chhàn--ê, i siong-sìn, nā ē-tàng kā chit-ê chong-kàu soan-thôan--chhut-khì, tō ē-sái kiàn-li̍p sin ê siā-hōe.

 

Bóe-chhiú i chong-kàu siōng ê pêng-iú ūi-tio̍h lī-ek o͘-se kong-khóan, hām Malcolm mā jú lî jú hn̄g, Malcolm gôan-pún kiàn-li̍p ê sìn-gióng, soah hiông-hiông pang--khì. Chit-ê chú-tiuⁿ ūi o͘-lâng kiàn-li̍p sin siā-hōe ê chong-kàu, kap Pe̍h-lâng siā-hōe ê kè-ta̍t-koan nah ē hiah-nī-á sêng? Kap sìn-tô͘ sio pí-kàu, sîn-chit jîn-ôan kai-kip khah kôan, seng-o̍ah khah hù-jū, mā kap Pe̍h-lâng kāng-khóan pak-siap ka-tī ê tông-pau.

 

台灣組合 發表在 痞客邦 留言(0) 人氣()

Ui-chì lí hó:

 

黃媽媽bat thê-khí Ui-chì piáu-ta̍t ê lêng-le̍k chin-pō͘ chin kín, chin sêng-se̍k--a. Góa kā黃媽媽kóng: "Ui-chì sī thian-châi-hêng--ê", koh lâi tō khòaⁿ i án-chóaⁿ ūn-iōng chit-ê thian-hūn.

 

Mô͘-lī-cho̍k ê kò͘-sū

Lāu thâu-ba̍k ê sin-pū seng-sán soah kòe-sin--khì, siang-seⁿ-á lâm-eng bông, lú-eng o̍ah. Lāu-lâng òan-chheh nah ē m̄-sī cha-po͘ gín-á o̍ah--lo̍h-lâi, hō͘ in sit-khì 1 ê tong-jiân ê kè-sêng-jîn (kū thôan-thóng, kū su-ûi).

 

Lāu-lâng ê hāu-seⁿ siong-sim sit-khì sim-ài ê khan-chhiú (che ē-tàng sī jīn-hô ê gôan-in), pàng-khui gôan-té ê khang-khòe, lī-khui chhù--nih khì kàu gōa-kok seng-o̍ah. Chit-ê sî-chūn, khòaⁿ chit-ki Mô͘-lī-cho̍k, ná-chhiūⁿ khai-sí kiâⁿ hiòng o͘-àm, chhōe bô chhut-lō͘.

 

It-ti̍t kàu Siáu-phài (cha-bó͘ gín-á ê miâ, siàu-liân, sin hi-bāng ê ì-hâm) 8~9 hòe ê sî-chūn, i ho͘-hoah chó͘-lêng (hái-ang), thàu-kòe kap chó͘-lêng ê tùi-ōe (khiâ hái-ang, hōan-sè ài hù-chhut sèⁿ-miā), kā in ê cho̍k-jîn chhōe-tio̍h chhut-lō͘, kiâⁿ hiòng kong-bêng.

台灣組合 發表在 痞客邦 留言(0) 人氣()

1 234