台灣組合

之前參加活動，聽一位建築背景的教授說了一個故事：921地震時有許多國中、國小倒塌，慈濟協助幾間校園重建，剛好那位教授的日本朋友(學者)到災區了解重建情形，教授問日本是否有小學校園因天然災害倒塌，由民間團體捐建的案例，日本學者馬上回答：「沒有。」接著說：「因為我們的小學不會倒。」

日本小學不只是小朋友的學習場所，更是社區的避難所，如果輕易倒塌、毀損，要如何保護小朋友的生命安全，又要如何提供社區居民避難呢？因此日本人可以自信的說：「我們的小學不會倒！」

另一個故事是一位小學校長談學校的文資保存，他將學校三合院建築的左龍拆掉蓋新的，拆掉十餘間舊教室興建八間現代化的教室，八間新教室的空間反而比舊有的十餘間空間還大，因此仍能達到左右龍的平衡，不會長短不一。

會後閒聊問校長關於學校提倡文資保存卻拆掉舊教室蓋新的想法，校長說台灣的校園建築平均壽命是30年，最多就是50年，意思就是為了安全考量不得不拆舊建物。

這回答令我百思不解，台灣許多建築都有百年以上的歷史，一般的住宅也不只50年的壽命，30年以上的中古屋還是有人買，為什麼校園建築就只有30年的壽命。是因為學生的生命不重要、教育的學習環境不重要？所以可以隨便蓋。還是因為政府機關經費編列有經、資門的比例，為了妥善花掉資本門，因此每年依序給各級學校進行拆舊建物蓋新樓的比賽，以求得完美的執行率嗎？更或者是統治者不願意我們保留太多的歷史記憶，有計畫地從學習空間剷除歷史感，所以台灣有不少百年學校，但校園內卻少見百年的歷史足跡。

5月19落大雨, chái-khí lán tō出門, goán chhōa lí chò-hóe去台北ê總督府頭前, kap éng-kòe kāng款, hām lán ê朋友tī電車站sio會合, 行過去台北賓館大門邊記念詹益樺.

Lí chhím滿4歲, 自lí出世到taⁿ, 今年是lí第4冬kap goán tàu-tīn去到hia記念1989年5月19 tī hia自焚ê詹益樺.

前1工, góa teh做隔tńg工beh用ê大字壁單, lí kā góa tàu-saⁿ-kāng, mā ná叫góa講詹益樺ê tāi-chì hō͘ lí聽, lō͘尾lí mā直直問góa:「I是án-chóaⁿ beh kā ka-tī燒--死?」

I是án-chóaⁿ beh án-ne做? Chit ê問題mā bat tī góa心肝底hē真久.

Iáu讀高中ê時, ùi新聞知影chit項tāi-chì, 是án-chóaⁿ有人ē用性命ê代價來呼hoah出心肝底ê信念? Chit ê giâu疑一直hē tī góa心內, lō͘尾來淡水讀書, tú tio̍h kúi ê sianpai, chiah ùi in hia了解詹益樺, mā tī i留--落-來ê話句--nih, 思考運動kap性命ê出路.

革命像風颱, lí看ē tio̍h i形成, 壯大, chông tùi lí chia來, 破壞lí sì-kho͘-liàn-tńg ê一切, m̄-koh lí無châi-tiāu阻擋. 革命像風颱kāng款, 有組織, 有路線, m̄-koh lí無法度創造革命, lí kan-taⁿ ē-tàng thèng-hāu.

3--月ê日頭花kap洪仲丘事件是西北雨, 落bē過田岸, 有ê人m̄-bat hō͘社運ê西北雨ak--過, tō講che是革命, 實在是teh講笑詼.

社運西北雨無像風颱hiah-nī有組織, 有方向, kan-taⁿ ē tī無特定ê所在hiông-hiông出現, koh hiông-hiông消失, kan-taⁿ thang暫時hō͘社會止chhùi-ta.

Kúi-nā冬前ê野百合是人造雨, 1場完全受控制來滿足少數權力者需要ê人造雨, 根本無值得chùn-būn.

1團koh 1團ê社運團體發動ê 1場koh 1場ê街頭抗爭示威, 是1場koh 1場失敗ê人造雨, 成分總是hut bē清楚, sì-kè làu人, 氣身ló͘命, soah hām 1 pû鳥á屎to pàng bē出--來.

人teh講, chit ê政府hō͘人民chiok無閒……teh抗爭. 反服貿了後, sûi koh有反核kap自由經濟貿易區ê議題同時teh進行, 各地mā有大大細細ê開發案iah BOT, chit款社會情勢hō͘人感覺chit ê政府bē-su是走路chìn前teh大收割hit樣, ē-tàng ba̍uh--ê緊ba̍uh, ē-tàng khêng--ê緊khêng, ē-tàng賣--ê緊賣. 社會氣氛jú激化, lán tio̍h jú冷靜觀察社會局勢ê變化, m̄-thang kan-taⁿ gia̍h-hiuⁿ tòe拜.

人家說，這個政府讓人民很忙……著抗爭。反服貿後，隨即又有反核和自由經濟貿易區的議題同時在進行，各地也有大大小小的開發案或是BOT，這種社會情勢讓人覺得這個政府好像是走路前夕的大搜刮那樣，可以賺的趕快賺，可以搶的趕快搶，可以賣的趕快賣。社會氣氛愈激化，我們愈得冷靜觀察社會局勢的變化，不要只是拿香跟拜。

[目錄]

反核運動beh行去toh?／反核運動要走去哪？@Tōa-thâu-liân

Ùi黨內選舉看民進黨／從黨內選舉看民進黨@Sò͘-hūi

值完大夜班，疲憊的身軀騎上小白，小小車輪轉上12公里就可以休息了，小白是她的第一個女兒。

學生時期，強迫自己從微薄的打工收入裡頭，每個月存入「小白專戶」1000元，慢慢從大燈、尾燈、前輪、後輪，一點一滴養大的，完全屬於自己的女兒。在風大夜深無人的街頭高聲唱歌安撫自己時，小白陪著她。颱風時風大雨大，一路小白相伴。小白滾著它的兩個輪子，陪著她轉過了戀愛、結婚、生子。

論及婚嫁前，有一次她聽到他的母親說過機車是危險的交過工具，當時她沒有多想。夫妻向公婆報告懷孕當天，公婆忽然提及買車的話題，這使她非常困擾，真的有必要養小孩之外再養一部車？因為車子安全？雖然她知道自己沒有開車上路的勇氣，最終還是被他說服，花了錢、硬排出時間去上駕訓班。就在拿到駕照沒多久之後的某天，她跟小白下班回到家，卻見到小白的位置上，停了一部陌生的深藍色的車子。

是的，是她的車子沒錯，車子行照是寫著她的名字。

──《TGB通訊》第176期(2014/5)

Piān-nā到「決戰ê關鍵」, ta̍k-ê to lóng ē顧慮「事後算siàu」(無論是內場iah外場), m̄-chiah ē jú來jú無人beh開路, 衝頭1 ê. Chit-má內場做頭ê壓力已經大kah接受採訪ê時, 講tio̍h學生安全tō目屎liàn--落-來.

24冬過--去-a, 台灣ê反對運動iáu kāng款停留tī「議會路線」kap「街頭路線」teh kà力, 增差tī統治者kap抗爭者, 雙方ê手段kap表面工夫lóng做kah koh-khah iù-lō͘. 簡單講, 統治者kā「吞忍」(boài回應, boài鎮壓) ê siáu鬼á殼, khah早ê老1輩mài講蔣經國, 連李登輝時代to lóng真正動手鎮壓, 統治者chiah-nī iù-lō͘ ê處理手路, 是ùi陳水扁時代開始--ê.

街頭抗爭者, beh衝ê「衝組」早tō老--ê老, chheh心--ê chheh心, 無人beh衝第1線。頂pái陳雲林ê圓山對chhiâng tō chiok明顯, 現場kui堆人chi̍t看tō知影是「衝組」--ê, m̄-koh tō是欠頭1 ê人第1 chhèng ê煽動.

Chiah ē chit-má ê學生抗議(連學運tō無算, 因為無平常時校內基層組織kap思想武裝, koh-khah免講學校之間ê聯合運作), tō kan-taⁿ ē-tàng利用「公民運動」來擴大參與面, 來衝人數, 拚氣魄! M̄-koh有chi̍t-kóa同學當然mā敢衝, 若無chit-pái mā無法度衝入去立法院.

「公民活動」一定有i ê作用, 踏出chit步總比bih tī厝內iah是新聞kap網路khah好. 嘉年華會式ê遊行sui-bóng真弱, m̄-koh同時mā hō͘ 統治者ê武裝hām心防弱化.

5--月是民進黨進行2年1 pái ê黨內黨職選舉, 今年因為年底ê七合一大選, koh本屆黨職(中央) ē-tàng決定2016年總統kap立委ê提名方式, 競爭khah激烈. 今年年頭有chi̍t-kóa所在ê黨員人數hiông-hiông大量增加, tō ná選舉ê幽靈人口kāng款, hiông-hiông出現, 投票了tō koh無--去, 一直到後pái ê投票若有需要, chiah koh la̍p 1 pái 2冬ê黨費, che tō是民進黨hō͘人keng-thé ê人頭黨員問題.

民進黨beh解決人頭黨員, 是先解散派系, 初選採取民調, ta̍k冬ê黨費繳納通知單統一寄去戶籍住所, 黨員tio̍h ka-tī去la̍p-chîⁿ, kioh是án-ne ē-sái解決人頭大戶統一la̍p-chîⁿ ê問題. 結果頂頭有政策, 下底有對策, 黨員大戶若kap地方黨部主委kāng派系, 關係好, iáu是thang直接到黨部統一la̍p-chîⁿ (tī黨部tō ē-tit-thang直接印通知單la̍p-chîⁿ), 問題iû-goân無解決.

人頭黨員其實m̄是造chiâⁿ民進黨cháu-chengê原因, koh-khah害--ê是, 為tio̍h解決人頭黨員所進行ê各種方案chiah是真正cháu-chengê主因. 1 ê基層代表有100-200 ê thiāu-á-kha是chiok sù-siông--ê, m̄-koh解決人頭黨員ê改革方案soah kā基層代表培養基層黨務人員ê必要性消除掉, 親像取消黨員初選ê權益, 改用全民調, 造成基層欠人經營, 只要甘khai-chîⁿ, 透過媒體造勢tō有夠, 無代表願意tī基層栽培新人, 橫直若有chîⁿ ē-hiáu造勢, siōng重要--ê是tòe有tio̍h人, beh tī黨內sa tio̍h參政權tō ná像桌頂ni柑hiah-nī簡單. 過去國民黨beh參選黨職, tio̍h-ài有資產kap借貸證明, chiah有參選資格, 除了有chîⁿ買票, koh ài ē-tàng控制.

Chiah ē現此時民進黨基層lóng是chi̍t-kóa無頭殼, kan-taⁿ ē-hiáu liam-hiuⁿ ê代表, ē-sái講是1代不如1代. 黨內ê人頭hoàn-á kan-taⁿ chhun黨內ê黨職選舉有利頭, 造chiâⁿ黨職ê選舉tō kap國民黨選舉買票kāng款lah-sap, mā hō͘ 民進黨pìⁿ做是有chîⁿ無理想, 投機炒短線ê人出頭ê現象, 理想性jú來jú消風--去.

有chi̍t-kóa號稱入黨chē年ê老黨員, 本底應該是支持民主進步ê觀念, soah pìⁿ做人頭hoàn-á, 為tio̍h利益支持hit-kóa號稱無黨籍, 從政過程ta̍k ê重要決定lóng選擇khiā tī人民ê對立面, 也tō是óa過有資源有黨產ê國民黨, hō͘ chit款人來領導/敗壞kap i個人無chi̍t-sut-á關係ê民進黨.

接續佔領立法院行動ê社會力,「全國廢核行動平台」4/21全力支持配合林義雄禁食ê呼召, 發起『停建核四, 還權於民』ê反核行動, 訴求『核四停建, 核一二三廠盡速除役; 下修鳥籠公投法門檻』.

4/24, 國民黨決議:『核四完工, 通過安檢後, 不放置燃料棒, 不運轉. 日後核四是否運轉必須經公投決定.』4/28, 行政院宣布:『核四廠一號機安檢後封存, 二號機全面停工, 未來重新啟動需公投決定.』江宜樺表示, 停工m̄是停建, 核四無重大政策變更ê問題. 經濟部長張家祝mā放出風聲講, 核四若停建, 核一二三tō ài延役. 4/30, 廢核平台tī林義雄聲明結束禁食了後, mā tòe leh hoah行動得tio̍h階段性成果, 宣佈離開凱道.

2011年日本Fukushima核災了後, phah醒健忘ê台灣人對核電ê驚惶, 反核運動界寄望引動台灣社會ê反核力量, ta̍k年發起核電歸零遊行, m̄-nā訴求停建核四, koh有核廢料遷出紅頭嶼, 核一二三除役. 2013年, 各地NGOs組成「全國廢核行動平台」, chit年ê廢核遊行, 有20萬人參加.

Chit-kái廢核平台kā主力khǹg tī停建核四kap修公投法. Chia有kúi ê問題.

頭1 ê, 核廢料遷出紅頭嶼, 竟然完全無出現tī chit-kái ê行動訴求--nih! 1982年核廢料開始khǹg tī紅頭嶼, 30冬ê土地承租契約已經到期, 超過10萬桶ê核廢料到taⁿ soah iáu是khǹg tī hia, 政府完全無châi-tiāu處理. 2012年是Tao ǹg望擺脫核廢料ê 1年, m̄-koh lán iáu是無解決問題, hō͘ Tao無辜替全台灣承受核廢料超過30冬.

3月中發動ê反兩岸服務貿易協議chit場抗爭, 已經持續3禮拜--a, chit場抗爭無論ē án-chóaⁿ結局, lóng已經對台灣社會造chiâⁿ久長ê影響. 對運動本身現象ê檢驗, 反省kap批判, ē phēng chit場運動主訴求成功iah是失敗koh-khah要緊.

3月中發動的反兩岸服務貿易協議這場抗爭，已經持續三個禮拜了，這場抗爭無論會如何結局，都已經對台灣社會造成長久的影響。對運動本身現象的檢驗、反省和批判，會比這場運動主訴求成功或是失敗更加要緊。

[目錄]

Chit場3月抗爭／這場反服貿抗爭@Pasuya

Chit場佔立法院行動, góa beh kā lí講--ê是／這場佔領立法院行動，我要跟你講的是@Tōa-thâu-liân

透早, tī kā抗爭者清除了了ê台北街頭, góa tiām-tiām-á一直行, cha瞑, 有jōa chē góa se̍k-sāi ê朋友tī chia hông phah kah流血流滴!

暗頭á goán chhōa lí koh來到chia, 頭起先lí一直hoah無愛去, 因為lí已經知影cha瞑chia發生過siáⁿ-mih tāi-chì.

來到現場, 看tio̍h hiah-ê統治體制ê執行壓迫工具1 ê 1 ê ùi lán面頭前行--過-去, lí kā góa ê ām領khiú kah ân-ân-ân, kā góa講beh緊來tńg.

Góa kā lí講, m̄免驚, chhōa lí來, 是有話beh kā lí講.

Góa kā lí抱--leh, 行去到鐵絲網á頭前, 面對khiā tī鐵絲網á後piah ê鎮壓工具, tùi in ê目chiu 1 ê 1 ê kā gîn--過, kā lí講, chit款人lán m̄免kā尊重! In mā是人, 無m̄-tio̍h, in有bó͘有kiáⁿ, 是, m̄-koh頭家命令若落--來, in giâ tī手頭ê棍á甚至chhèng-chí, tō ē tùi m̄願屈服ê奴隸身軀kek--過-去!